BanyumasPost

Mobil Plat Abang Kiye Ujug-ujug Rame neng Internet

  • Reporter:
  • Jemuah, 25 Agustus 2017 | 10:48
  • / 2 Djulhijjah 1438
  • Dibaca : 890 kali
Mobil Plat Abang Kiye Ujug-ujug Rame neng Internet

BANYUMASPOST.com – Mobil plat abang nomer pulisi AB 1 C  ujug-ujug dadi omongan neng internet. Mobil sing lagi dadi kembang lambe kuwe jebule mobil dinas Bupati Kulonprogo Hasto Wardoyo.

 

Gara-gara sing duwe akun facebook Wagiso Pradonggo ngunggah neng internet, wong-wong akhire pada dhemen, salut lan pada komentar jere patut nggo percontoan pejabat liyane.

 

Soale, kendaraan dinas Bupati kuwe melu mandeg bareng karo kendaraan liyane neng lampu merah sebelah wetan Pasar Tlogorejo, Sleman. Mobil kuwe mandeg karo ngenteni lampu ijo kaya dene kendaraan liyane lan ora mawi nganggo patwal.

 

Kawit Wagiso Pradonggo ngunggah foto mobil Camry warna ireng kuwe, akeh warganet sing pada kementar, “Jos nggo AB 1 C plat abang, ora mawi nganggo pengawalan kaya plat abang liyane sing nomere mung sethithik. Lampu abang ya mandheg kaya ngarep karo mburine, melu ngantri ngenteni lampu ijo” komentar salah siji warganet neng kono.

 

Postingan kuwe langsung olih komentar positif sekang para netizen. Sing duwe akun Facebook Darma Sanjaya uga nulis, “Nggo plat sing cantik2 moga tetep njunjung dhuwur rambu-rambu liyane. Kuwe contoh nggo masarakat’.

 

Ana maning sing duwe akun Facebook Parjeng Saputro melu komentar, “Patut diconto pejabat2 liyane”.

 

Anane keadiyan kuwe, Kompas.com banjur ngubungi Bupati Kulonprogo, Hasto Wardoyo. Dheweke mbenerena lamona mobil plat abang kuwe pance mobil dinase.

 

“Iya, angger mobil AB 1 C kuwe pancen mobil dinase inyong,” ujare dheweke, Kemis (24/08/2017).

 

Hasto ngakoni, ora ngerti angger mobile sing mandeg neng lampu merah kuwe ana sing motret. Wektu kuwe dheweke liwat neng Jalan Godean nganggo mobil dinas arep maring acara kunjungan Menteri Kesehatan neng Sleman dina kiye.

 

“Inyong ora ngerti angger foto kuwe arep dadi viral,” jerene.

 

Miturute dheweke, tekan siki dheweke pancen ora tau nganggo mobil patwal angger lungan maring endi bae. Seliyane kuwe, angger lunga dinas utawane non dinas, dheweke pancen nganggep dheweke kaya dene pengguna dalan liyane lan patuh maring rambu-rambu lalu lintas.

 

“Ya kuwe kan biasa, nyong pancen ora tau nganggo patwal, nyatane kan langka jatah mobil patwal nggo bupati”, jerene.

 

Dheweke uga nyebutena, kawit dadi Bupati pancen ora tau ngganti mobil dinas. Mobil dinas kuwe wis ana kawit Bupati sedurunge. Hasto emoh ngganti karo mobil sing anyar.

“Kuwe kan mobil Camry taun 2006 sekang bupati sedurunge. Kondisine esih apik,” pungkase.

 

 

 

 

 

 

 

 

 

 

 

 

Sumber : kompas.com

Penulis : Kontributor Yogyakarta, Wijaya Kusuma

Editor Penulis : Erlangga Djumena

Editor Pelansir : Redaksi BanyumasPost.com

Konten ini telah melalui penyuntingan dengan tidak merubah makna. Konten original dapat dilihat di sini.

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional