BanyumasPost

Bar Nginum Obat Terus Ngopi, Olih Apa Ora Jane? Kiye Diwaca

  • Reporter:
  • Kemis, 24 Agustus 2017 | 14:31
  • / 1 Djulhijjah 1438
  • Dibaca : 63 kali
Bar Nginum Obat Terus Ngopi, Olih Apa Ora Jane? Kiye Diwaca
Ilustrasi minum kopi(seb_ra)

Tumrap wong akeh, kopi wis dadi segeran pedinan sing krasa kurang pas angger ora nginum. Ningen rika tau krungu apa ora, angger nginum kopi bar nguntal obat kuwe olih apa ora?

 

Umume, angger bar ngopi kayong krasa seger lan ora nglentruk. Kuwe disebabena kandungan kafein neng kopi sing macu kerja utek lan jantung. Ningen kafein neng kopi bisa uga marekna interaksi maring siji lorone jenis obat. Contone bae Contohnya efedrin dan fenilpropanolamin, rong obat kiye kelebu obat flu lan cungur mampet.

 

Angger rika nginum kopi bar nginum obat kiye, jantunge rika goli deg-degan tambah nemen. Kiye jelas bahaya nggo jantung. Kelebu uga obat asma, theophylline, antidepressan lan obat antipsikotik, klompok antibiotik kuinolon, lan pil KB.

 

Bahaya liyane sekang nginum kopi bar nginum obat yakue bisa marekna keracunan sebab kafein bisa lewih sue mandeg neng njero awak. Kuwe mulane kafein ora bisa dikonsumsi angger rika bar nginum obat.

 

Kejaba kuwe, khasiat obat bakale lewih suwe utawa kurang manjur. Sebab kafein bakale ngganggu proses penyerapan obat neng lambung lan usus halus. Efek kiye bisa bisa kedadian neng pirang-pirang jenis obat, kaya golongan antidepresan, esterogen, lan obat-obat untuk gangguan tiroid utawane osteoporosis.

 

Anane penelitian neng taun 2008 nyebutena, penyerapan levothyroxine sing kelebu salah siji obat gangguang tiroid dadi kurang 55 persen angger diinum bareng karo nginum kopi. Semana uga karo alendronate sing kelebu obat osteoporosis sing penyerapane medhun tekan 60 persen.

 

Tumrap wong wadon, kopi uga duwe pengaruh maring keseimbangan hormon. Neng pirang-pirang penelitian, kadar estrogen lan hormon liyane neng wong wadon medhun sewetara angger bar nginum kopi.

 

Angger rika bar nginum obat koh kepengin ngopi, ngenteni dhisit ngantek 2-3 jam bar nginum obat. Mesthine goli ngopi bakale krasa seger lan ora marekna efek sing ngrugekena.

 

 

 

 

 

 

 

 

 

 

 

 

Sumber : kompas.com

PenulisWisnubrata
EditorWisnubrata

Editor Pelansir : Redaksi BanyumasPost

Konten ini telah melalui penyuntingan, konten original dapat dilihat di sini.

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional