BanyumasPost

Ngindari Tilangan, Mamak-mamak Malah Nabrak Pulisi Ngantek Mental

  • Reporter:
  • Rebo, 23 Agustus 2017 | 15:05
  • / 30 Djulqa'dah 1438
  • Dibaca : 67 kali
Ngindari Tilangan, Mamak-mamak Malah Nabrak Pulisi Ngantek Mental
Ibu-ibu tabrak polisi saat ditilang (Foto: Facebook : Andrianto)

BANYUMASPOST.com- Pirang-pirang cara delakoni supaya bisa ngindari anane tilangan. Ningen sing delakoni neng wong wadon asal Wonosari, Yogyakarta kiye kelebu sejen tinimbang liyane.

 

Mbuh patut mbuh ora, pengendara montor kiye nekad nabrak pulisi wektu lagi ana razia lalu-lintas.

 

Pertamane, cerita kiye diunggah neng sing duwe akun Facebook Andrianto neng Gruup Info Cegatan Jogja.

 

Andrianto nyritakena wektu kuwe lagi ana razia kendaraan bermotor neng wilayah Baleharjo, Wonosari, Gunung Kidul, Yogyakarta.

 

Ujug-ujug ana ibu-ibu numpak montor matic nekad nrobos razia ngantekan diuber-uber neng pulisi.

 

“Mba-mbane nekad njorogena petugas, terus dioyok, ping pindo nrobos lampu merah. Akhire kecekel neng daerah Selang. Wis dipeped malah nekad nabrak montore pulisine. Akhire ya tiba kabeh, pulisine mental nengen, mba-mbane nyebur maring selokan,” tulis Andrianto.

 

Dekonfirmasi neng kumparan (kumparan.com) Andrianto ngomong lamona kedadian peristiwa kuwe neng dina Slasa (22/8) awan,  “Kuwe wingi kedadiane, jam 11 awan. Inyong presis neng mburine wong loro kuwe”, jere Andrianto Rebo (23/8).

 

Polisi terluka di bagian lutut (Foto: Facebook : Andrianto)

 

Pengendara montor sing jebul jenenge Novi Nur Hasanah kuwe banjur diamanaken neng kantor pulisi. Sewetara pak pulisine digawa maring RSUD Wonosari sebab ngalami cecel neng dengkul.

 

 

 

 

 

 

 

Sumber : kumparan.com

Penulis : Maulana Ramadhan

Editor Utama : Salmah Muslimah

Konten ini telah melalui penyuntingan dengan tidak merubah makna asli. Konten original dapat disimak di sini.

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional