BanyumasPost

Hacker Indonesia Nyerang Situs Malaysia, Kaya Kiye Monine

  • Reporter:
  • Slasa, 22 Agustus 2017 | 14:09
  • / 29 Djulqa'dah 1438
  • Dibaca : 71 kali
Hacker Indonesia Nyerang Situs Malaysia, Kaya Kiye Monine

BANYUMASPOST.com – Decomot sekang TEMPO.CO, Klompok hacker sekang Indonesia sing jenenge  ExtremeCrew, ngetas pirang-pirang situs Malaysia.

 

Neng kono, klompok kuwe ngetokena buku panduan SEA Games 2017 sing ana gambare bendera merah putih kewalik lan ana tulisane : Bendera Negaraku Bukanlah Mainan!

 

Kelompok hacker Indonesia kuwe banjur ngunggah lagu Indonesia Tanah Air Beta dadi lagu latar belakang tulisan kuwe mau.

 

Sekang BBC, paling ora ana 27 situs neng Malaysia dadi sasaran para hacker. Lewih akeh situs sing diretas sing duweke perusahaan swasta. Pirang-pirang situs kuwe banjur detutup bar diserang neng para hacker sing ngakune asale sekang Indonesia.

 

Kabar paling anyar, situs kurir Malaysia, Easyparcel.my uga diretas neng klompok hacker sing sejen. Perusahaan banjur nutup situse nggo ndandadi lan nylidiki.

 

Anane insiden foto bendera Indonesia sing decetak kewalik, pemrentah Malaysia akhire njaluk pangapura langsung maring rakyat Indonesia neng ngarepe Menteri Pemuda lan Olah Raga Imam Nahrawi.

 

Kaya sing decomot sekang Kemenpora.go.id, penjalukan ngampura kuwe diomongena neng Menteri Belia lan Sukan Malaysia, Khairy Jamaluddin bar ketemu karo Menteri Imam neng Hotel Shangrilla, Kuala Lumpur, Ahad, 20 Agustus 2017.

 

Mentri Luar Negri Malaysia Dato Sri Anifah Haji Aman uga nulis penjalukan ngampura sing nguja detulis lan diwehna maring pemrentah Indonesia sebab dene ana insiden bendera kewalik kuwe.

 

“Makili pemrentah Malaysia, pihake inyong njaluk ngampura maring pemrentah lan rakyat Indonesia”, jere Dato Sri Anifah neng pernyataan tertulise sing detampa Tempo dina Minggu.

 

Panitia SEA Games Malaysia utawa MASOC ngungun pisan anane kesalahan cetak gambar bendera Indonesia neng buku panduan SEA Games 2017. Dheweke uga ngomong lamona nduwe niat arep njaga ubungan apik karo Indonesia.

 

 

 

 

 

 

 

 

 

Penulis : THE STAR | MARIA RITA

Sumber : tempo.co
Editor Pelansir : Redaksi BanyumasPost
Konten ini telah melalui penyuntingan dengan tidak merubah makna berita. Konten asli dapat dilihat di sini.

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional