BanyumasPost

Legenda Kethek Jelmaan Santri Nakal neng Mesjid Saka Tunggal Banyumas

  • Reporter:
  • Slasa, 8 Agustus 2017 | 17:01
  • / 15 Djulqa'dah 1438
  • Dibaca : 128 kali
Legenda Kethek Jelmaan Santri Nakal neng Mesjid Saka Tunggal Banyumas
Foto: Arbi Anugrah

BANYUMASPOST.com-Decomot sekang detik.com, pirang-pirang kethek urip brayan neng pemukiman warga neng Banyumas. Miturut crita, kethek-kethek kuwe jelmaan santri nakal sekang Kyai Saka.

“Legenda gemiyen sekang Kiai Saka Tunggal. Sekang emosine kiyaine, akhire nyupatani santri dadi kethek, kaya dene watek kethek sing angel diatur, cokan ngganggu lan seneng nyolong,” jere Imam Masjid Saka Tunggal, Sulam (48) maring detikcom, Senen (7/8/2017).

Mesjin kuwe ana neng Desa Cikakak, Kecamatan Wangon, Banyumas, Jawa Tengah. Akeh kethek-kethek sing unggal dina nekani lokasi masjid lan umah warga sekitar ngkono.

Dheweke njelasena, ngantek tekan siki masarakat neng sekitar Masjid Saka Tunggal pancen urip Brayan karo kethek ningen langka masalah. Sebab masarakat wis paham karo watek kethek neng kana.

Neng kono, jere Sulam, ana kurang lewih 500 kethek gawe klompok-klompok anyar neng alas pines lan kesebar ngantek limang klompok.

“Ningen kabeh jinak lan sering ketemu wong ningen ora nakal. Gemiyen sedurunge taun 2000, kethek ora medhun, ningen bar taun 2000, kethek-kethek padha medhun maring kolom umah ngewong,” jerene.

Senajan kaya kuwe, dheweke ngomong angger sing krasa paling keganggu malah para petani. Sebab, tandurane para petani kuwe sering dadi sasaran. Mulane, para petani lewih milih ngadoih lan gawe lahan anyar sing adoh sekang alas.

“Wong tani keganggu pisan, mulane suka pindhah maring panggonan ngantek setengah kilo sekang kono. Seliyane kuwe, umah warga uga cokak dadi sasaran kethek nakal. Ningen, angger maring warga tah ora, sebab masarakat wis paham maring tabiate kethek kuwe,” ujare.  (arb/sip)

 

 

 

 

 

 

Penulis : Arbi Anugrah – detikNews

Sumber : detikcom

Transliterasi Bahasa Banyumasan : Redaksi BanyumasPost

Konten ini telah melalui proses penyuntingan oleh editor BanyumasPost dengan tidak merubah makna berita.

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional