BanyumasPost

Ana Dumolid wektu Tora Sudiro lan Mieke Amalia Ditangkep, Apa Kuwe Dumolid?

  • Reporter:
  • Jemuah, 4 Agustus 2017 | 10:49
  • / 11 Djulqa'dah 1438
  • Dibaca : 233 kali
Ana Dumolid wektu Tora Sudiro lan Mieke Amalia Ditangkep, Apa Kuwe Dumolid?
Gambar : tempo.co

Jakarta, Kemis 3 Agustus 2017, Kepolisian Resor Metro Jakarta Selatan nengkep artis Tora Sudiro lan wadone Mieke Amalia sebab ngonsumsi Dumolid.

 

“Dheweke ngakoni nganggo narkoba wis setaun kepungkur sebab angel turu,” jere Kepala Satuan Reserse Narkoba Polres Metro Jakarta Selatan Komisaris Vivick Tjangkung maring Tempo pada Kamis, 3 Agustus 2017.

 

Apa kue Dumolid? Psikiater Klinik Psikosomatik Omni Hospitals, Alam Sutera dr Andri SpKJ FAPM maring Tempo, nyritakena lamona Dumolid kuwe obat sing ngandung nitrazepam. Obat kiye biasane dienggo neng dokter nggo pasien-pasien sing ngalami insomnia utawane angel turu.

 

“Dumolid biasane dienggo mung nggo jangka wektu pendek, sebab dikhawatirna bisa ketergantungan,” jerene. Kerja obat kiye gawe pengaruh maring utek sing ngontrol emosi lan gawe rileks otot-oto.

 

Seteruse, Andri uga nyebutena, neng prakteke dheweke, Dumolid wia arang diwehna maring pasien. Jere Andri, pasien sing duwe Dumolid pancen kudune teyeng aweh ngerti lamona dheweke duwe obat kaya kuwe merga petunjuk dokter lan teyeng mbuktikena karo resep dokter lan bukti kunjungan dokter.

 

Apa  bisa nyebabena ketergantungan? Angger dienggo terus-terusan bisa marekena ketergantungan lan peningkatan dosis.

 

Dumolid kuwe jenis obat psikotropika golongan IV, lan kepemilikane sing tanpa resep dokter, bisa dianggep penyalahgunaan obat lan kelebu nentang undang-undang psikotropika.

 

“Dadi kudu diemut-emut, angger nganggo obat golongan benziodiazepin utawa  golongan obat penenang, kudu ana petunjuk dokter lan ana resep dokter sing mbuktikena lamona dhewek nggunakena pas karo indikasine,” jerene.

 

Ningen, siki obat-obat kaya kuwe, akeh adol online. “Kayane pemrentah kudu agea-age nertibena dol tinuku e-commerce sedurunge ana efek liya sing lewih mbahayani,” jere Andri .

 

 

 

 

 

 

 

 

 

 

Sumber : tempo.co

Penulis : Susan

Transliterasi Bahasa Banyumasan : Redaksi BanyumasPost

Konten ini telah mengalami penyuntingan dengan tidak merubah makna berita.

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional