BanyumasPost

Fitur Android sing Jos Ningen Arang Dienggo

  • Reporter:
  • Senen, 31 Juli 2017 | 16:23
  • / 7 Djulqa'dah 1438
  • Dibaca : 146 kali
Fitur Android sing Jos Ningen Arang Dienggo
lustrasi (detikINET)

Hape Android kelebu hape sing canggih. Mulane akeh pisan fitur neng hape Android ningen bangeting canggih ningen arang dilirik. Padahal angger dienggo, asline anu migunani pisan

 

Ngunci Hape Sekang Kadohan

Ngaktifna fitur “Android Device Manager” kuwe penting pisan. Tujuane, angger hapene rika ilang, bisa dicek posisi hape kuwe lagi neng endi.

Rika uga teyeng ngunci data sekang endi bae. Mulane data sing neng njero hape bakale tetep aman. Sebabe sing jenenge data biasane ana sing ora kena dibukak wong liya sebab anu rahasia.

Carane bukak :  Setting > security > Android > Device Manager.

Neng kene rika ngaktifena opsi Remotely Locate This Device dan Allow Remote Lock and factory Reset carane geser tombol maring sisih tengen.

Supaya fitur kiye bisa mlaku, aja kelalen lokasi uga diaktifena. Nah, nggo ndeleng lokasi perangkat bisa ngecek neng laman android.com/devicemanager.

 

 

Data Saver

Data saver kuwe fitur sekang browser Chrome neng Android sing nduwe kemampuan nggo ngirit data internet.

Carane bukak :  Chrome > Settings > Data Saver.

Bar kuwe uripna bae, carane geser tombol maring sisih tengen.

 

 

OK Google Siki Kenal Bahasa

Dhewek teyeng nggolet apa bae neng hape lan web ningen ora kudu mencet werna-werna tombol neng layar. Cukup ngomong OK Google, banjur ngomong apa sing arep digolet. Sing lewih jos, OK Google siki ndukung Basa Indonesia.

Nggo ngaktifna fitur kiye, cukup aktifena OK Google karo mbukak Settings > Search and Now > Voice > OK Google Detection. Geser tombol neng opsi From the Google App nggo ngaktifena.

 

 

Pushbullet

Ana cara sing lewih gampang supayane lewih fokus maring komputer lan ora kudu bolak-balik ndeleng notifikasi neng layar.

Carane, rika kudu nginstal aplikasi sing arane Pushbullet, kuwe bisa nampilna notifikasi sing mlebu maring hape maring layar komputere rika.Ningen rika kudu nganggo Google Chrome sebab aplikasi kiye kudune nganggo ekstensi Chrome.

 

 

Mirror maring PC

Dhewek teyeng nampilna layar hape maring layar komputer. Angger kaya kiye, rika teyeng dolanan gim nganggo layar sing lewih amba.

Carane rika gari nginstall aplikasi mirroring kaya AirDroid, Teamviewer utawane All Cast. Angger rika kepengin nonton film utawa ngegim sing neng pc ningen arep ditonton neng Android, rika bisa nginstall aplikasi Splashtop neng Google Play Store. (yud/yud)

 

 

 

 

 

 

 

 

Adi Fida Rachman – detikInet

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional