BanyumasPost

Kiye Imam Rambut Gimbal sing Lagi Viral

  • Reporter:
  • Minggu, 30 Juli 2017 | 09:01
  • / 6 Djulqa'dah 1438
  • Dibaca : 168 kali
Kiye Imam Rambut Gimbal sing Lagi Viral
Foto: Dok. Istimewa detik.com

Sofyan Alop ujug-ujug dadi kembang lambe sebab suwarane sing apik nalika ngimami solat. Jan-jane, sinau maring endi wong lanang sing rambute gimbal kiye?

Miturut ngakune, Sofyan cokan nonton vidio imam-imam gedhe pas lagi maca ayat suci Al Quran neng Youtube. Dheweke sinau otodidak.

“Inyong ora ngerti mbuh anu bakat alam apa kepriwe. Siki-siki, sabeh ndina inyong ngrungokena imam-imam gedhe sing maca Alquran neng Youtube, nyong ngetutena iramane, ningen njajal karo iramane dhewek,” jere Sofyan nalika dewawancara neng detikcom, Setu (29/7/2017)

Sofyan ngaku terinspirasi sekang suarane para ulama gedhe kaya dene imam gedhe Masjidil Haram Abdurrahman as-Sudais, Anas Bourak, ngantekan Syaikh Misyari Rasyid.

“Inyong duwe ciri khas dewek, tek kolaborasikena suarane imam-imam gedhe kae. Angger solat magrib, biasane neng rokaat pertama karo kelorone ora padha nadhane. Contone rokaat pertama tek gawe nadane Abdurrahman as-Sudais, banjur rakaat kelorone imam Syaikh Misyari Rasyid,” jere Sofyan.

Neng vidio sing lagi viral, Sofyan katon lagi mimpin sembayang magrib jamangah neng rokaat keloro. Dheweke maca surat Al fatihah lan Al-Jumuah. Sofyan ngomong, irama sing desuarakena neng rokaat loro kelebu kresine dheweke.

“Rokaat sing keloro tek kreasi dhewek, inyong improve bae. Rokaat sing pertama tah kelalen,” jere Sofyan.

Gubernur Maluku Utara Abdul Ghani Kasuba gumun pisan karo suwara merdune Sofyan. Miturute, miki-mikine pak gubernur kayong ora patia nganggep angger weruh penampilane.

“Nyong kon dadi imam, ya wis inyong maju, kebenaeran ana pak Gubernur Maluku Utara sing lagi solat jamak.

Pas inyong maju dadi imam, Pak Gubernur kiye katone kayong keprimen. Ningen bareng nyong maca surat Al Fatihah, piyambeke gumun ndean banjur mundur maring mburi terus njagong,” critane Sofyan.

(dkp/jor)

 

 

 

 

 

Penulis : Andhika Prasetia – detikNews

Sumber : detik.com

Trasliterasi : Redaksi BanyumasPost

Konten ini telah melalui proses penyuntingan dengan tidak merubah makna berita.

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional