BanyumasPost

Angger lagi Adus, Aja Ngantek Rika Nglakoni Kaya Kiye

  • Reporter:
  • Setu, 29 Juli 2017 | 15:08
  • / 5 Djulqa'dah 1438
  • Dibaca : 221 kali
Angger lagi Adus, Aja Ngantek Rika Nglakoni Kaya Kiye
Gambar : Ilustrasi mandi. Shutterstock/Fabiana Ponzi

Keseringen adus karo banyu anget

Adus karo banyu anget pancen gawe plong, apa maning angger bar nyambut gawe. Mulane akeh wong sing seneng pisan adus banyu anget.

Angger sepisan pindho adus karo banyu anget si ora papa. Ningen angger keseringen adus karo banyu anget, kulite bisa kelangan minyak alami. Akibate, kulit dadi gampang garing lan gatel.

 

Kesuwen neng kamar mandi

Rika adus ngantekan pirang menit jajal? Apa ngantekan lewih sekang 30 menit? Angger iya, kayane kudu mandan dikurangi.

Sebab, angger kesuwen goli adus, mengko dadine kulit sing alami nglothok. Lipid sing nduweni fungsi nggo njaga kelembaban kulit sue-sue tipis. Akhire, kulit gampang garing.

Mula kuwe, njajal goli adus ora lewih sekang 10 menit unggal dinane.

 

Sabun sing wangi pisan

Sabun sing wangi marekna suwasana adus dadi nyenengi. Ningen rika kudu ngati-ati maring sabun sing wangine ora umum, utawa kayong wangi pisan.

Sebab, sabun sing kaya kuwe bisa bae ngandhung paraben, pewarna sintetis, natrium lauril sulfat, dan formaldehid sing bisa marekna kulit dadi garing lan ora elastis.

Mulane lewih apik angger rika nganggo sabun sing gawene sekang bahan-bahan alami utawa minyak esensial.

 

Nganggo spons sing uwis bodhol

Angger rika adus nganggo sabun cair, rika biasane nganggo spons supaya umpruke lewih akeh. Ningen angger nganggo spons, angger bisa aja nganggo spons sing wis bodhol.

Spons sing bodhol jan-jane dadi sarang bakteri. Angger bisa rika nganggo spons sewulan sepisan, aja ngantek wulanan.

Nganggo spons bodhol marekna infeksi neng kulit lan dadi gatel-gatel.

 

Mbilas kurang resik

Ewodene lagi gagiyanan, usahakena goli mbilas sing resik. Sebab sabun utawa produk pembersih liyane sing esih nemplek neng kulit bisa nyumbat pori-pori lan nyebabena jerawat.

Katone si ora penting, ningen angger rika nglakoni terus-terusan bisa marekna gangguan kesehatan sing serius.

Sepintas kebiasaan di atas memang terlihat tidak penting. Namun jika kamu melakukannya terus-menerus maka akan menimbulkan gangguan kesehatan yang serius.

 

 

 

 

 

 

 

 

 

 

 

 

Reporter : Febrianti Diah Kusumaningrum

Sumber : merdeka.com

Transliterasi : BanyumasPost

Konten telah melalui proses penyuntingan dengan tidak mengurangi makna maupun isi.

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional