BanyumasPost

Sopsan, Musisi Teladan neng Kabupaten Banyumas

  • Reporter:
  • Rebo, 26 Juli 2017 | 14:35
  • / 2 Djulqa'dah 1438
  • Dibaca : 186 kali
Sopsan, Musisi Teladan neng Kabupaten Banyumas
Gambar : rifanytop.blogspot.com

Tumrap wong Banyumas sing dhemen seni, kaya-kayane tekan siki urung ana gantine musisi Banyumasan kaya dene Sopsan. Sopsan kuwe unik lan khas, pokoke Banyumasane krasa pisan.

 

Ora mung kuwe thok, Sopsan uga bisa nekakena suwasana sing sejen. Aransmen musik sing kepenak dirungokna, dikombinasi neng Sopsan dadi lirik-lirik sing merguyokena. Mulane, ora gumun angger Sopsan dadi idhola para pendhemen musik Banyumasan.

 

Sekang sisi lirik, Sopsan ora mung kewatang ngetokena ukara-ukara sing gawe nyengir utawane gemuyu thok. Sopsan uga aweh pirang-pirang pitudhuh, pesan moral lan kebagusan liyane. Neng kene, muatan komedi lan moral dikombinasi pas lan mantep.

 

Aran Sopsan

Miturut artikel sing delansir sekang banyumasnews.com, aran “Sopsan” kelebu akronim sing diakronimena. Sopsan asale sekang ukara “Sopan Santun”. Angger sopan akronim sekang “sok pandai”, lan santun sekang “santun dalam menyampaikan tuntunan”

Nyatane bener, Sopsan ora mung gawe produk hiburan sing kepenak denikmati, ningen uga aweh pirang-pirang tuntunan.

 

Grup Lawak

Sopsan jan-jane grup lawak. Nggo ndawakena durasi lawakan, mula prelu detambah nyanyian sing sifate humor. Lawakan sing degawakena neng Sopsan biasane situasional, utawa tergantung pesan sekang sponsor. Sopsan sering nglawak neng lingkungan dinas, mulane grup lawak kiye identik karo lawakan dinas.

 

Personil

Personil Sopsan ana telu, Fajar, Gope lan Soto. Sedurunge, Gope pasangan karo Renggo. Pas ana acara peringatan hari Bayangkara sekitar taun 1992, Fajar detarik lan gabung. Ningen ora ganti suwe, Ringgo metu. Akhire Fajar lan Gopre ngrekrut Soto.

 

Laire Grup Musik

Sekang anane grup lawak Sopsan banjur lair Grup Sopsan Gitu Loh lan Komunitas Musik Dablongan sing ngasilena Album Dablongan. Neng album kuwe, ana lagu “Lengger Banyumasan” sing dadi spot Pemrentah Kabupaten Banyumas.

 

Kangen Sopsan

Anane grup musisi sing nggawa jeneng Banyumas kaya dene Sopsan, jan-jane kudu diapresiasi tumrap neng inyong lan rika padha. Tujuane, supaya Sopsan bisa terus makarya lan gawe bungah maring para pandhemen-pandhemene, utamane warga Penginyongan.

Wujud apresiasine bisa pirang-pirang, salah sijine tuku kaset VCD utawa DVD sing original. Mayuh pada ngregani sapa bae sing duwe kontribusi maring Banyumas Tercinta.

 

“Inyong Tresna Banyumas”

Kanggo para kanca sing kepengin langganan artikel-artikel sekang BanyumasPost, mayuh gabung neng grup Facebook BanyumasPost . Carane klik neng KENE.

 

 

 

 

 

Sumber Lansiran : http://banyumasnews.com

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional