BanyumasPost

Kiye Fauna Khas sekang Banyumas

  • Reporter:
  • Slasa, 25 Juli 2017 | 12:56
  • / 1 Djulqa'dah 1438
  • Dibaca : 236 kali
Kiye Fauna Khas sekang Banyumas
Gambar : internet

Unggal daerah mesthine duwe fauna khas sing dadi maskot neng wilayaeh dhewek-dhewek. Papua duwe manuk Cendrawasih, Bali duwe Jalak, Sumatra duwe macan, lhah angger Banyumas?

 

Miturut sumber sekang menlh.go.id, manuk “Cerukcuk” utawa Pycnonotus goiavier (latin), Yellow-vented Bulbul (Inggris), utawa neng Banyumas diarani “Crocokan, kuwe dadi fauna khas sekang wilayah Kabupaten Banyumas, Jawa Tengah.

 

Foto : http://photobucket.com/

 

Manuk Crocokan kelebu manuk sing ukurane ora patia gedhe, dawane awak sekitar 20 cm angger deukur sekang pucuk cucuk butul pucuk buntut.

 

Sedurunge, manuk kiye klebu manuk onian sing akeh deingu neng bocah-bocah neng wilayaeh dhewek. Ningeen butule siki, mandan arang wong-wong sing padha ngingu.

 

Manuk crocokan biasane manggon neng kebonan, pinggir dalan, alas-alas lan neng wit-witan sing dhuwur. Crocokan mabure bareng-bareng, mbuh kue karo manuk sing sejenis lan sing liyane. Ningen, angger lagi turu neng wit-witan, manuk kiye biyasane bareng karo batire sing padha-padha crocokan.

 

Foto : https://id.wikipedia.org/wiki/Merbah_cerukcuk

 

Manuk crocokan mangan buah-buahan sing lemes kaya gandhul lan gedhang. Manuk kiye uga gelem mangan bangsane uler lan kewan cilik liyane. Crocokan  kelebu manuk sing paling seneng ngentongena wektu nggo nggolet pangan neng ndhuwur lemah.

 

Merbah Cerukcuk biasane ngendhog 2 tekan 3 blindi sedurunge anggrem. Manuk-manuk kuwe goli gawe susuh karo pang-pang wit, suket lan godhongan. Sing paling unik, neng wilayaeh dhewek, cokan ana susuh manuk crocokan nylesep neng tundhunan gedhang.

 

Foto : http://tentangburungindonesia.blogspot.co.id/

 

Crocokan dudu kelebu manuk sing larang, ningen ana bae sing ngingu. Sebabe, manuk crocokan kuwe gampang didimek tur gampang rumatane. Ningen, gara-gara kuwe, malah manuk crocokan siki maju ngeneh kayong maju langka.

 

Mula kuwe, mayuh pada melu njaga fauna sing manggon neng alam kaya dene manuk crocokan kue mau. Tujuane,  supaya tetep lestari utawane ora punah.  Sukur bage, ana sing gelem mbudidaya fauna sing jere khas sekang wilayah Banyumas kiye.

 

 

Inyong, tresna Banyumas!

Kanggo kanca-kanca sing kepengin maca artikel liyane sekang banyumaspost.com, bisa nggabung maring group Facebook nganggo cara klik neng KENE.

 

 

 

 

 

 

 

 

 

 

 

 

 

Sumber :

https://id.wikipedia.org/wiki/Kabupaten_Banyumas

Fauna Identitas Kota dan Kabupaten di Jawa Tengah

http://burungue.blogspot.co.id/2013/08/mengenal-burung-cerocokan-atau-merbah.html

https://id.wikipedia.org/wiki/Merbah_cerukcu

bk.menlh.go.id/florafauna

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional