BanyumasPost

Tuku Barang Colongan Bisa Mlebu Penjara

  • Reporter:
  • Senen, 24 Juli 2017 | 12:10
  • / 29 Syawal 1438
  • Dibaca : 166 kali
Tuku Barang Colongan Bisa Mlebu Penjara
Ilustrasi Penjara (Gambar : merdeka.com)

BANYUMASPOST.com- Ngati-ati tuku barang, aja kegiur barang murah. Gara-gara kepengin olih barang apik ningen murah, jog-jogane bisa mlebu penjara.

Kue dealami neng Rangga Lawe, warga Cirebon. Dheweke ditekakena neng persidangan Pengadilan Negeri Purwokerto sebab didakwa nglakoni tindak pidana penadahan.

Miki-mikine, terdakwa ditemoni tamu wong loro sing jenenge Dicky Zulkarnaen lan Heri dina Setu, 5 Novembr 2016 sekitar jam 13.00.

Wektu kuwe, terkadwa detawani HP Evercoss sing regane Rp 300 ewu. Ora mung kuwe thok, terdakwa uga detawani rong TV LCD merk Toshiba 21 inchi lan merk Changhong 19 inchi. Keloro TV kuwe ditawakena mung rga Rp 1 juta.

Ngerti barang-barang kuwe esih bisa dienggo, terdakwa akhire gelem mbayar. Terdakwa mikir, angger regane murahe semono, mesthine teyeng untung gedhe angger didol maning.

Akhire, dheweke gelem mbayar Rp 1,3 juta maring Dicky lan Heri. Senen, 27 Maret 2017, terdakwa ditekani anggota Satreskrim Polres Banyumas wektu neng jero umah. Polisi langsung nyita barang-barang sing detuku sekang Dicky lan Heri, sebab barang kuwe kelebu kasil sekang tindak pencurian.

Heri lan Dicky nglakoni pencurian neng umahe Agusta Ratna warga Perum Griya Satria Indah Sumampir, Purwokerto Utara 5 November 2016. Agusta kelangan 1 unit mobil Alya, cincin berlian, 2 unit TV, tabung gas lan 1 unit HP.

Sebab pencurian kuwe, korban ngalami rugi ngantek 120 juta. Neng persidangan Pengadilan Negeri Purwokerto, terdakwa detuntut 7 wulan penjara neng Jaksa Penuntut Umum (JPU) Afri Erawati, SH.

Terdakwa dijerat Pasal 480 ke- 1 KUHP. “Terdakwa Rangga Lawe dituntut ukuman penjara ngantek 7 wulan dikurangi masa tahanan,” ujare JPU Afri Erawati SH MH.

Sidang perkara kiye arep dilanjutkan maning neng dina Selasa minggu ngarep sing agendane ngrungokena vonis ketua majelis hakim I Wayan Yasa SH MH. (mif/bdg)

 

 

 

 

 

 

Sumber: http://radarbanyumas.co.id/beli-barang-curian-masuk-bui/

Copyright © Radarbanyumas.co.id

Transliterasi Bahasa Banyumasan : BanyumasPost.com

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional