BanyumasPost

Purbalingga Mbalik Dadi Perwira Maning

  • Reporter:
  • Setu, 22 Juli 2017 | 13:24
  • / 27 Syawal 1438
  • Dibaca : 217 kali
Purbalingga Mbalik Dadi Perwira Maning
Gambar : (ADITYA/RADARMAS) Sumber: http://radarbanyumas.co.id/purbalingga-kembali-perwira/ Copyright © Radarbanyumas.co.id

BANYUMASPOST.com– Tulisan neng gerbang Pendapa Dipokusumo, mbalik maning nampilna slogan Purbalingga Perwira, ngganteni tulisan sedurunge Purbalingga Sehati.

Langkah kue delakoni neng Bagian Umum Setda Purbalingga, nindaklanjuti metune rong Peraturan Bupati (Perbup) kaitane karo slogan Kabupaten Purbalingga, Kemis (20/7) wingi.

Dhedhasar pantuan Radarmas, tulisan Purbalingga Perwira sing warnane abang wis depasang maning neng gerbang Pendapa Dipokusumo.

Neng kana katon siji-loro tukang sing lagi nyambut gawe, kelebu masang lampu LED neng pipir tulisan lan ngecet payon gerbang pendapa.

Kepala Bagian Umum Setda Purbalingga Suwardi AKS ngakoni, wis olih prentah langsung sekang Bupati nggo ngedunaken slogan Purbalingga Perwira ngganteni tulisan slogan Purbalingga Sehati neng dina Rebo (19/7) wingi.

Bar metune rong Perbub anyar, Suwardi ngendika lamona langsung olih prentah nggo masang maning tulisan slogan Purbalingga Perwira ngganteni tulisan slogan Purbalingga Sehati.

Kepala Dinkominfo Kabupaten Purbalingga Tri Gunawan Setyadi matur, sosialisasi rong Perbup anyar kuwe langsung delakoni bar pengumuman bupati.

Siki Dinkominfo aweh sosialisasi lamona slogan Purbalingga Perwira wis legal sekang segi hukum, sebab wis degawekna dasar hukume sing arupa Perbup.  (tya/gal/sus)

 

 

 

 

 

 

Sumber Asli : http://radarbanyumas.co.id/purbalingga-kembali-perwira/

Copyright © Radarbanyumas.co.id

Tranliterasi/Editor Bahasa Banyumasan: Tim BanyumasPost

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional