BanyumasPost

Ningkah Umur 43 Taun, Bung Hatta Dicomblangi Pak Karno

  • Reporter:
  • Setu, 22 Juli 2017 | 11:11
  • / 27 Syawal 1438
  • Dibaca : 195 kali
Ningkah Umur 43 Taun, Bung Hatta Dicomblangi Pak Karno

Sapa sing ora ngerti Drs Mohammad Hatta utawa Bung Hatta. Proklamator sing lair neng Bukittinggi, Sumatera Barat, 12 Agustus 1902 kuwe, jebul nembe ningkah rong dina bar Indonesia merdeka. Persise, neng tanggal 19 Agustus 1945.

Piyambeke ningkah karo Rahmi Rahim, prawan keturunan bapa Jawa lan ibune Aceh. Wektu semeno, Rahmi Rahim umure nembe 19 taun lan Bung Hatta uwis 43 taun. Sing marekna unik sekang ningkahane Hatta lan Rahmi, Bung Karno duwe peranan nglantarna utawane nyomblangi kelorone.

Dina Jemuah neng sasi puasa, 17 Agustus 1945, dadi dina sing apik tumrap Mohammad Hata. Esuk kuwe, piyambeke didaulat ndampingi Soekarno nggo mroklamasikena kemerdekane Indonesia.

“Indonesia merdeka” dadi ukara sing nyenengena tumrap bung Hatta. Senajan umure piyambeke wis 43 taun, ningen Bung Hatta kelebu esih jaka utawa durung ningkah.

Bung Hatta sedurunge tau sumpah, piyambeke arep ora ningkah sedurunge Indonesia merdeka. Mulane, neng tanggal 17 Agustus 1945 kuwe, sumpaeh wis kelebu rampung.

 

Soekarno dadi  comblang

Dadi dwitunggal kemerdekaan Indonesia, Soekarno ngerteni banget isi atine Hatta, kelebu sumpaeh sing urung arep ningkah sedurunge Indonesia merdeka.

Mulane, nalika kamardikan wis degayuh, Soekarno akhire nggoletena batir urip sing trep nggo Hatta. Soekarno ora gelem kanca kenthele kuwe urip dhewekan.

Ngutip sekang buku Hatta, Hikayat Cinta dan Kemerdekaan (2010), Soekarno banjur nemoni kancane, Abdul Rachim lan Annie Rachim. Soekarno nduwe niyat arep nglamar anak wadone dheweke, Rachmi Rachim nggo Hatta.

 

Gambar : Boombastis

 

Wektu kuwe, wong tua sekelorone Rachmi Rachim esih manggang-manggung. Sebab sekang umur, kelorone kacek adoh, Hatta 43 taun lah Rahmi 19 taun. Ningen, Rahmi diwei wektu kon milih.

Maring Rahmi, Soekarno banjur aweh pesen :

“Aku mengenal Hatta sebagai sahabat dan seorang pemimpin yang baik. Ia benar-benar orang yang sangat baik. Engkau tidak akan menyesalinya,” tutur Soekarno. — (Inyong paham Hatta dadi kanca kenthel lan pemimpin sing apik. Dheweke nyata-nyata wong sing apik temenanan. Mpean ora gadhang ngungun)– ature Pak Karno

Bareng diwei wektu nggo mikir, Rahmi akhire setuju diningkahi neng Hatta. Pribadhine Hatta sing apik lan kuwat goli nyekel prinsip, gawe prawan sing akrab deceluk Yuke kiye dadi kepencut.

“Piyambeke tresna Indonesia lan janji urung gelem ningkah sedurunge Indonesia merdeka. Kuwe janjine lan piyambeke wis netepi janji” ature Rahmi.

 

Hatta-Rahmi (Gambar : http://www.orangdalam.com)

 

 

Gambar : log.viva.co.id

 

 

Gambar : dewimitarozali.wordpress.com

 

 

 

 

 

Sumber :

http://nationalgeographic.co.id

https://id.wikipedia.org 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional