BanyumasPost

Jendral Soedirman, Ksatria sekang Tanah Penginyongan

  • Reporter:
  • Setu, 22 Juli 2017 | 09:26
  • / 27 Syawal 1438
  • Dibaca : 538 kali
Jendral Soedirman, Ksatria sekang Tanah Penginyongan
Gambar : m.tempo.co

Jendral Soedirman lair neng Bodas Karangjati Purbalingga tanggal 24 Januari 1916. Piyambeke sekang keluwarga rakyat biasa. Bapane aran Karsid Kartoworidji lan ibune Siyem.

Kawit lair, Jendral Soedirman diaku anak neng Tjokrosoenaryo, kakang ipene ibune sing wektu semono dadi camat neng Rembang lan Purbalingga.

Soedirman tau sekolah formal neng Sekolah Taman Siswa. Seteruse banjur nglanjutena maring sekolah guru HIK Muhammadiyah Surakarta, ningen ora ngantek tamat. Seuwise Tjokrosoenaryo seda taun 1934, wis langka maning sing mbiayani Soedirman.

 

Gambar : www.merdeka.com

 

Soedirman bar kuwe giyat banget neng organisasi Pramuka Hizbul Wathan. Seteruse, Soedirman dadi guru neng sekolah HIS Muhammadiyah neng Cilacap.

Nalika jaman Jepang, piyambeke melu pendhidhikan tentara PETA (Pembela Tanah Air) neng Bogor. Sewise rampung, piyambeke dadi Komandan Batalyon neng Kroya, Jawa Tengah. Karir Soedriman terus ngrembaka sing akhire dadi Panglima Divisi V/Banyumas.

 

Gambar : indonesian-persons.blogspot.com

 

Sewise Indonesia merdeka, piyambeke diangkat dadi ketua Badan Keamanan Rakyat (BKR) daerah Banyumas. Sewise TKR dibentuk (sing mikine BKR), akhire Soedirman kepilih dadi Panglima Angkatan Perang Republik Indonesia lan dilatik neng Presiden Soekarno nganggo pangkat Jendral tanggal 18 Desember 1945.

Aran Soedirman maju kewentar sewise perang Palagan Ambarawa sing demolaih kawit 12 Desember 1945. Tanggal 15 Desember 1945, TKR bisa menang lan ngusir Landa maring Semarang.

Gambar ” https://nrmnews.com

Anane perang nglawan Agresi Belanda II (1948-1949), piyambeke dadi tokoh simbol perjuangan sebab terus mimpin perang gerilya, ewodene kahanane gerah. Piyambeke tetep mimpin ningen ditandhu lan pindhah-pindhah nggon. Sekang Jogjakarta, Surakarta, Madiun tekan Kediri. Akhire, neng tanggal 10 Juli 1949 piyambeke kondur maring Jogja.

 

Gambar : brilio

Kesehatane Pak Dirman maju suwe maju kurang apik sebab prenyakit TBC. Piyambeke banjur manggon neng Pesanggrahan Tentara neng Magelang. Neng tanggal 29 Januari 1950, piyambeke wafat lan disarehena neng Makam Pahlawan Semaki, Yogyakarta.

Nggo ngemut-emut jasa-jasa lan pengorbanane Jendral Sudirman, pemerintah ngetokena SK Presiden No.025/1970 tanggal 20 Mei 1970 sing netepaken Sudirman dadi Pahlawan Pembela Kemerdekaan.

 

Foto : brilio

 

Neng taun 1997, dianugerahi maning gelar Jenderal Besar Anumerta bintang lima.  Pangkat sing mung didhuweni neng telung jendral RI,  yakue Soedirman, Soeharto lan Abdul Haris Nasution.

Jendral Soedirman kelebu satria sing dilairena sekang tanah Penginyongan lan patut dadi tuladha. Mula, mayuh dadi generasi sing nduweni semangat juang dhuwur kaya dene Jendral Soedirman.

 

 

Lagi heboh neng BanyumasPost : Ngeri, Detangkep neng pulisi gara-gara nabrak wong 20!!

 

 

 

 

 

 

 

 

 

Sumber :

http://jejaktamboen.blogspot.co.id/2012/10/jendral-soedirman.html

Biografi Jendral Sudirman, Sejarah Singkat Serta Kesaktian Nya

http://www.profilpedia.com/2014/05/profil-dan-biografi-jendral-sudirman.html

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional