BanyumasPost

Dhasar Penumpang Nini-nini

  • Reporter:
  • Setu, 22 Juli 2017 | 16:42
  • / 27 Syawal 1438
  • Dibaca : 203 kali
Dhasar Penumpang Nini-nini

Ana nini-nini nganggo kaca mata kandel numpak bis jurusan Purwokerto-Cilacap. Dheweke nggawa teken njagong methengklis neng jok dheretan mburi.

Ora ganti sue, konduktere teka narik ongkos sing jumlaeh 15.000.

Kondektur : “Punten, ongkose mbah…”

Nini-nini kuwe molaih mbukak sleting tas sing didelah neng sebelaeh. Sebeb mripate wis blaruk, nini-nini kuwe urung nemu benahan dhuwite.

Ninine : “Aduh… mengko lah, urung ketemu kiye”

 

Kondekture esih gelem sabar lan nglanjutna narik penumpang liyane.

Ora ganti sue, si kondektur mbalik maning nemoni ninine.

Kondektur : “Wis ana ongkose mbah?”

Ninine sing kelalenan lan matane wis blaruk,  mbukak sleting  tas maning.

Ninine : “Aduh, urung ketemu bae. Sabar, mengko tek bayar lah…”

 

Kedadian kaya kuwe ora mung sepisan pindo, ningen wis ping kopang-kaping. Ngantekan wong lanang sing neng jejere ninine sing arane DAPLUN ngomong :

Daplun : “Punten, Ni. Nyong bae sing mbayari”

Daplun langsung ngulungena telung lembar dhuwit limang ewuan maring kondekture. Si kondektur bungah pisan lan ngalem prilakune Daplun.

Kondektur : “Mpean pancen bocah apikan temenan mas…”

Si Nini uga ngomong sing ora beda adoh.

Ninine : “Aduh, putuku… Koe eman temen… Kesuwun ya putu…”

Daplun : “Ora papa mbah…  Daripada gara-gara dhuwit 15 ewu, tapi sletinge nyong bolak-balik debukaki karo diadhul-adhul isine!! Wislah suka tek bayari bae kueh… Derasa-rasa, sue-sue nyong gigu lhoh…”

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional