BanyumasPost

Kiye Tips Angger Rika Decokot Ula

  • Reporter:
  • Kemis, 20 Juli 2017 | 13:56
  • / 25 Syawal 1438
  • Dibaca : 136 kali
Kiye Tips Angger Rika Decokot Ula

BANYUMASPOST- Urung sue wingi, Sebtu (15/7), Wendugo Yamin (25) delaporna ninggal sebab decokot ula kobra sing diingu neng dheweke.

Miturut informasi sing decomot sekang satelitpost.com, Wendugo miki-mikine lagi dolanan karo pirang-pirang ula sing diingu. Bar kuwe, ujug-ujug ula kobrane nyokot tangan tengene. Ngantek 20 menit, dheweke akhire ninggal sedurunge olih pengobatan.

Anane kedadiyan kuwe, pecinta ula sekang Purwokerto, Arifin Nur Wicaksana aweh tips nggo ngatasi mbok menawa ana wong sing ngalami kedadiyan kaya kuwe :

Sepisan, angger ora adoh sekang rumah sakit, korban kudu langsung dijujugna rumah sakit ben olih perawatan sing lewih intensif.

Kepindo, angger pancen adoh sekang rumah sakit, sing kudu degatekena kuwe korban aja ngantek panik. Sebab angger panik marekna upas sekang ula bisa lewih cepet maring jantung.

Ketelu, nggon sing kecokot ula disiram karo banyu mili. Tujuane ben supaya upase ora mlebu maring pori-pori kulit.

Kepapat, gawe luka anyar neng jejere luka sing decokot ula kue mau. Tujuane nggo mbuang utawane nggo ngurangi luka.

Kelima, 10 cm sekang luka dijiret karo tali utawa sejenise ningen ora terus-terusan. Dadi dijiret, deculi, dejiret trus deculi maning lan seteruse.

Arifin Nur Wicaksana matur, penanganan pertama kaya kuwe dilakoni supaya supaya aja ngantek upas ula kobra Jawa langsung maring jantung. Paling ora, kerja upas ula kobra Jawa antara 20 tekan 30 menit.

Angger decokot King Kobra, lewih bahaya maning. Sebab lewih bisa nyerang jantung lan saraf sing wektune antara 5-10 menit. (rar/lil)

 

 

Kudu diwaca : Jebul dhuwit kertas bahaya pisan!

 

 

 

 

 

 

 

 

Sumber Lansiran :  satelitpost.com

Transliterasi Bahasa Banyumasan : banyumaspost.com

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional