BanyumasPost

Dhalang Gino, Sang Maestro sekang Banyumas

  • Reporter:
  • Kemis, 20 Juli 2017 | 18:32
  • / 25 Syawal 1438
  • Dibaca : 658 kali
Dhalang Gino, Sang Maestro sekang Banyumas

Tumrap wong penginyongan sing dhemen wayang, mesthi ora bakal kelalen karo dhalang asal Banyumas sing asmane Sugino Siswocarito utawane Dhalang Gino.

Paribasan sekang buyute dhewek tekan inyong lan rika siki, mesthi ngerti lamona sedurunge seda, Dhalang Gino kelebu dhalang paling degandrungi neng masarakat Banyumasan lan sekitare.

Saking kewentare Dhalang Gino, akeh wong-wong sing ngarani lamona piyambeke kelebu “Maestro Dhalang Gagrag Banyumasan”. Dhalang Gino pancen nyata-nyata tokoh sing duwe talenta gedhe neng bidhang pewayangan.

Ningen, neng 20 Januari 2013 kepungkur, Dhalang Gino wis ngadep Sing Kewasa. Wong penginyongan kelangan sang maestro sing wis nyipta sejarah pewayangan neng wilayah kene.

Nah, nggo pepelinge inyong lan rika padha, kiye ana informasi bab Dhalang Gino sing paling ora rika kudu padha ngerti.

 

Dhalang Gino Dudu Asli Notog

Senajan manggon neng Desa Notong, Dhalang Gino delairena neng Desa Sawangan Kecamatan Cilongok Kabupaten Banyumas.

 

Anake Mantan Lurah

Dhalang Gino duwe bapa sing aran Siswomiharjo lan ibu Dasirah. Bapane Dhalang Gino kelebu mantan lurah, ningen piyambeke ora gelem ngetutna dadi lurah kaya bapane, ningen lewih milih dadi dhalang.

 

Tau Dadi Tukang Ngamen

Nalikane urung dadi dhalang, jaman nom-nomane Dhalang Gino tau ngamen kesampak. Piyambeke nganggo alat musik siter lan mlaku sekang Cirebon butul Gunung Kawi. Ningen, goli nabuh siter kelebu pinter lan apik.

 

Tau dadi Pemain Kethoprak lan Wayang Wong

Jaman rekasane Dhalang Gino, piyambeke tau dadi pemain kethoprak lan wayang wong. Wektu semono, dheweke esih nganggur lan urung duwe mata pencaharian sing tetep.

 

Tau Dadi Tukang Nderes

Bar umah-umah, nom-nomane Dhalang Gino kelebu urung patia mulya. Mulane piyambeke tau dadi tukang nderes.

 

Molaih Ndalang neng Umaeh Dhewek

Sekitar taun 1959, piyambeke molaih pentas wayang neng umahe dhewek. Sekang kono, wong-wong molaih ngerti lamona piyambeke kuwe wis dadi dhalang. Dhalang Gino terus sinau maring wong-wong sing lewih pinter lan maju dina maju kewentar.

 

Peringkat 3 Pemilihan Dhalang Favorit neng Jakarta

Wektu semono Yayasan Senawangi, Jakarta nganakena pemilihan dalang Favorit, Dhalang Gino mlebu rengking nomer 3. Dhalang Gino wis dadi dhalang kondang lan duwe 40-an crita wayang. Saben crita derekam ngantek 8 kaset.

 

Ndalang nganggo Gaya Carangan Khas Gino

Neng jamane, Dhalang Gino goli nglakonekana wayang duwe gaya sing aran gaya carangan. Kuwe kelebu gaya ndalang sing dikreasi utawa diimprovisasi supaya sing nonton tambah gayeng.

 

Diwarisena maring Putune

Senajan Dhalang Gino wis seda, ningen siki diterusena neng putune. Dhalang sing nerusena  kuwe aran Ki Yakut Adib Ganta Nuraidin lan Ki Julung Gandik Ediasmoro. Dhalang nom-nom loro kuwe wis molaih duwe jeneng neng masarakat Penginyongan.

 

Yaqin, ghologhoqin, kiye sing lagi rame banget neng BanyumasPost :

Oalah, cempulek jebul artis-artis kiye anu wong kene bae!

Aja ngaku wong Banyumas angger urung maca kiye!

Bathik Banyumasan jebul tembus sekang njaba tekan njero! Nembe ngerti mbok??

 

 

 

 

 

 

 

 

 

 

Sumber :

kluban.net

republika.co.id

banyumasnews.com

Tranliterasi Bahasa Banyumasan : BanyumasPost.com

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional