BanyumasPost

Sapa Kuwe Prof Dr Margono Soekarjo?

  • Reporter:
  • Rebo, 19 Juli 2017 | 11:22
  • / 24 Syawal 1438
  • Dibaca : 2144 kali
Sapa Kuwe Prof Dr Margono Soekarjo?
Sumber Gambar : http://www.rsmargono.go.id

Rumah Sakit Margono Soekarjo kelebu rumah sakit provinsi sing manggon neng wilayah Kabupaten Banyumas, khususe neng kota Purwokerto.

Tekan siki, esih ana bae sing bingung utawane takon, jan-jane aran Margono Soekarjo kuwe asale sekang endi? Umpama kue aran wong, kaya ngapa wonge tur asal usule sekang ngendi?

Miturut pirang-pirang informasi sing decomot sekang jagad internet, Margono Soekarjo (diwaca Margono Sukaryo), kuwe dudu pahlawan sing  gemiyen manggul senjata. Ningen piyambeke kelebu Dokter Ahli Bedah neng jaman penjajahan,  sing asale sekang Banyumas.

 

Kiye kudu diwaca :

Ana bule 9 gawe geger Banyumas

Wateke wong Banyumas sing paling nyenengi

 

Margono Soekarjo kuwe putrane R. Wiryo Atmojo, Agen Bank neng Purwokerto. Margono lair neng Banyumas 29 Maret 1897, presise neng Desa Kebutuh, Sokaraja.

Nalikane cilik, piyambeke lewih sering srawung karo bocah-bocah Onderineming gula. Dheweke sekolah neng UEROPESCHE LO GERE SCHOLL Purwokerto, taun 1904-1910

Margono Soekarjo nalika cilik pinter Basa Landa lan uga Basa Inggris. Ora mung kuwe thok, basa Jawane uga kelebu alus lan dhuwur unggah-ungguhe.

 

Sumber Gambar : http://fandialmizan.blogspot.co.id

 

Piyambeke banjutan nglanjutna sekolah neng STOVIA ngantek diwei kepercayaan kon dadi asisten LEERAAR neng bagian bedah sing depimpin neng Dr Lesk. Margono sinau dadi ahli bedah ngantek telung taun neng RS Glodok sing gemiyen dijenengi “Stadverband”.

Wektu jama Jepang, Margono lan gubernur Jawa Tengah, Mr Wongsonegoro, ditawan neng Jepang. Malah ana salah siji kancane, Dr Kariadi sing dipateni langsung neng Jepang.

Nalikane penjajahan Jepang, meh kabeh ahli bedah sekang bangsa Landa bali maring negarane dhewek-dhewek. Akhire, neng taun 1945, ahli bedang neng Indonesia mung gari 10 wong.

Nggo ngatasi kekurangan kuwe, akhire debukak pendhidhikan ahli bedah neng telung kota. Jakarta depimpin neng dr Sutan Assin, Surabaya depimpin neng dr Sutoyo, lan Semarang neng dr Margono Soekarjo.

Nalikane penjajahan Jepang, dr Margono Soekarjo wis akeh banget goli mbantu nylametena anak buahe. Salah sijine yakue Dr. R Subiyakto sing dadi korban kejeme tentara Jepang. Dheweke slamet merga diumpetna neng wong wadon Landa sing dadi pasiene sing umpetan neng klambine.

 

Kiye kudu diwaca :

Mayuh nanggap lengger!

Nini Jem tiba njrungkanang 

 

Prof Dr Margono Soekarjo tilar dunya neng Jakarta tanggal 8 Oktober 1970 wektu umure 73 taun. Piyambeke ninggalaken bojo keturunan Austria sing aran Ny Brand. Neng taun 1982, Ny Brand akhire nusul lan disarehna neng jejere lanange, neng pemakaman desa Kebutuh, Sokaraja Banyumas.

Sedulur, kuwe mau kelebu sejarah Prof Dr Margono Soekarjo sing siki dadi aran rumah sakit. Dhewek sing kelebu wong Banyumas, mesthine ya kudu ngerti asal-usule supaya teyeng crita maring anak putu.

Dhewek uga kudu melu bangga,  sebab Prof Dr Margono Soekarjo kelebu dokter bedah pertama neng Indonesia sing asale sekang Kabupaten Banyumas.

 

Pengin ngerti artis terkenal sing asale sekang nggone dhewek bae? Klik neng kene!

 

 

 

 

Referensi :
http://fandialmizan.blogspot.co.id/2017/04/prof-dr-margono-soekarjo-ahli-bedah.html

http://alveroz.blogspot.co.id/2012/06/dokter-ahli-bedah-pertama-di-indonesia.html

 

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional