BanyumasPost

Kiye Bedane Bathik Banyumasan karo Liyane

  • Reporter:
  • Rebo, 19 Juli 2017 | 15:22
  • / 24 Syawal 1438
  • Dibaca : 522 kali
Kiye Bedane Bathik Banyumasan karo Liyane
Sumber gambar : kerajinan.id

Salah siji budaya sing wis dadi identitas bangsa Indonesia kuwe bathik. Meh saben-saben daerah neng Indonesia, biyasane duwe motif bathik dhewek-dhewek. Antarane siji karo sijine beda lan duwe ciri khas sing mbedakena.

 

Contoh motif batik Banyumasan (Foto : kerajinan.id)

 

Banyumas uga kelebu daerah sing duwe bathik dhewek. Miturut artikel sing decomot sekang www.kerajinan.id, pusat bathik Banyumas awale ana neng wilayah Sokaraja. Bathik mlebu maring Banyumas digawa sekang para prajurit utawa pengikute Pangeran Dipanegara.

Bar rampung perang taun 1830, para prajurit kue mau pada manggon neng wilayah Banyumas.  Salah siji jeneng sing terkenal yakue Najendra sing akhire gawe bathik neng wilayah kene.

 

Contoh motif batik Banyumasan 1 (Foto : kerajinan.id)

 

Wektu semono, mori sing dienggo kelebu tenunane dhewek. Kelebu pewarna sing dienggo digawe sekang alam. Yakue sekang wit tom lan wit pace.

Bathik Banyumas nduweni ciri khas sing beda karo liyane. Antarane njaba karo njerone bujur, nduwe mutu sing pada. Critane, kuwe mrtandhani jati dirine wong Banyumas sing duwe watek cablaka utawane antara sing neng ati karo sing diomongena padha bae (padha jaba jero).

Nalika semana, jaya-jayane bathik Banyumasan ana neng taun 1965 butul 1970-an. Motif batik Banyumasan biasane wit-witan, kewan, alas utawane pegunungan.

 

Contoh motif batik Banyumasan 2 (Foto : kerajinan.id)

 

Wateke wong Banyumas sing cablaka, toleran, demokratis lan nduweni semangat kerakyatan akhire mujud neng motif-motif bathike.

Mulane ana motif khas kaya dene Sekarsurya, Sidoluhung, Jahe Puger, Cempaka Mulya, Khantil, Ayam Puger, Madu Bronto, Jahe Srimpang, Lumbon (Lumbu), Kali Serayu, Gunungan, Batu Waljinan, Kawung Jenggot, Dunia Baru, Satria Busana, Pring Sedapur, lan liya-liyane.

 

 

 

 

 

 

 

 

 

 

Referensi : http://www.kerajinan.id

Penulis : Wicaksono

Transliterasi Bahasa Banyumasan : BanyumasPost

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional