BanyumasPost

Aplikasi karya wong Banyumas nggo mbantu pedagang cilik

  • Reporter:
  • Kemis, 13 Juli 2017 | 08:03
  • / 18 Syawal 1438
  • Dibaca : 377 kali
Aplikasi karya wong Banyumas nggo mbantu pedagang cilik

Wis pada ngerti lamona siki kue jamane apa-apa online. Ngantek ngojek siki uga wis ana ojek Online neng Purwokerto, ya ewodene siki kue esih gawe kontroversi.

Nah, kiye ana aplikasi android asli karya wong Banyumas sing jenenge aplikasi Kasir Toko Portable. Nganggo aplikasi kiye rika  wis ora perlu repot-repot nyathethi barang dagangan kambi komputer.

Sing mikine esih nganggo cara manual detulis nang buku, angger nganggo aplikasi kiye uga bisa dadi lewih kepenak. Mlebu metune dhuwit uga jelas. Stok barang dagangan uga kecathet, dadi bisa ngontrol mbok-mbok barang ana sing ilang.

Seliayne nggo nyateti dagangan, aplikasi Kasir Toko Portable uga bisa ndadekena tokone rika Online.  Tokone rika dadi bisa dideleng sekang internet. Wong dadi lewih gampang nggolet tokone rika. Wong butuh apa-apa uga kepenak. Barange rika cepet ketemu neng wong sing arep tuku.

Soale inyong tau ngalami dewek, kepengin nggolet toko kimia arep tuku resin nang Purwokerto, ndadakan nyasar-nyasar. Kue merga toko kue ora online dadi angel degolet. Nah, nek tokone rika nganggo aplikasi Kasir Toko Portable, otomatis online lan bisa digolet nang aplikasi GentaMarket.

Dadi, wong-wong sing arep tuku bisa nggolet tokone rika dhisit  sekang ngumah utawane bisa ndeleng barang dagangane rika. Angger kepengin tuku gari mangkat lunga maring Purwokerto utawa pesen ojek Online sing wis ana nang Purwokerto ben bisa titip de tukokena *DHISIT.

Tenang bae, rika nganggo aplikasi kiye ora perlu tuku. Senajan gratis tetep bisa dienggo. Bisa ndadekena tokone rika canggih, due alat kasir ningen mung cukup nganggo HP! Jan, apa ora sip pisan kue?…

Jaman siki jaman online, angger rika ora bisa ngetutena  perkembangan jaman, ya bakale kalah saing. Angger rika ora jajal sinau ya sue-sue kesalip nang toko-toko anyaran sing cara dagange lewih pinter.

Jaman siki, ewodene tokone rika ndlesep nang gang alias ora nang pinggir dalan gede, tetep bisa payu laris. Sing penting barang dagangane rika berkualitas lan regane bisa bersaing karo  batir-batir liyane. Dadi ora perlu sewa ruko sing larang neng pinggir dalan, tapi nek due duit sih ya ora papa he..

Aplikasi Kasir Toko Portable bisa di enggo nggo bengkel, apotik, warung, toko, restoran online shop lan liya-liyane. Siki pengguna neng Purwokerto sih ya wis lumayan akeh. Nek pengguna nang Indonesia malah wis ngantekan 100rb (satus sewu) download nang Playstore. Download aplikasi KasirToko Portable klik link neng ngingsor kiye.

https://play.google.com/store/apps/details?id=com.gentatekno.app.portable.kasirtoko

Nggo calon konsumen bisa download aplikasi GentaMarket klik link ngingsor kiye.

https://play.google.com/store/apps/details?id=com.gentatekno.app.market.kasirtoko

Tujuanne aplikasi kiye kue ben pedang-pedagang cilik bisa ketulung ngatur tokone lan bisa ningkatena kasil goli dol-dolan. Ayuh rika kabeh warga Banyumas pada mbangun bareng-bareng Banyumas ben lewih maju ekonomine uga  teknologine.

Tunjukkan bahwa wong banyumas kue top lan ora kalah karo daerah liyane..

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional