BanyumasPost

Daplun Numpak Pesawat

  • Reporter:
  • Rebo, 12 Juli 2017 | 14:14
  • / 17 Syawal 1438
  • Dibaca : 194 kali
Daplun Numpak Pesawat
http://fuadthebolanger.blogspot.co.id

Daplun kepengin banget numpak pesawat.  Kawit cilik tekan siki, dheweke urung tau sing jenenge numpang pesawat terbang.

Ndilalah, dheweke nembe bae olih lotre sing gedhene ngantek telung juta. Ora baen-baen, Daplun banjur nggoleti wong sing nyewakena pesawat pribadi.

Krungu Daplun lagi tilpun-tilpunan karo sing duwe pesawat, Nini Jem akhire njaluk melu. Dheweke mutung karo glangsaran neng ngarepe Daplun lamona kepengin melu numpak.

Nini Jem : “Pokoke nyong melu!!!”

Daplun : “Aja Ni, kiye anu duwite pas-pasan..”

Nini Jem : “Lah ora urus!!! Angger nyong ora olih melu, pokoke nyong arep kendhat!!!”

 

Ngerti kaya kuwe, Daplun kepaksa nggawa Ninine. Neng lapangan terbang, Daplun banjur nemoni pilot sing arep nggawa dheweke.

Pilot : “Lhoh, kiye sapa pak Daplun?”

Daplun : “Kuwe Niniku, Pak. Arep melu numpak..”

Pilot : “Wingi rempugane mung wong siji. Nek kaya kiye tah bayarane kudu tambah..”

Daplun : “Ya utang disit ya kena pak. Tulung lah, soale Ninine nyong angger ora olih melu jere arep kendhat..”

Pilot : “Aduh, ora bisa kaya kuwe pak Daplun.. Kiye wis nyalahi aturan!!!”

 

Krungu pilote kayong ora sreg, Daplun akhire rempugan mandan suwe.

Pilot : “Ya wis pak Daplun, inyong gelem bayarane semono. Tapi ana sarate..”

Daplun : “Pokoke sarat apa bae nyong gelem pak pilot. Sing penting ninine nyong olih melu!”

Pilot : ” Sarate gampang. Kawit numpak tekan mudun, rika wong loro ora kena ngomong sekecap-kecapa! Angger ngantek ngomong, rika kudu mbayar 3 juta maning. Kuwe urung detambah denda 5 juta!”

Daplun : “Beres pak”

 

Daplun karo Ninine banjur numpak. Ora ganti suwe, pesawate mabur tekan duwur. Presis karo sing dikarepna Daplun sedurunge, neng duwur pilote goli mabur nganggo atraksi sing kaya neng tivi-tivi. Manjat, mudhun, nguwil lan seteruse ngantekan ana sejam. Bar kuwe, pesawate banjur mudhun neng bandara.

Pilot : “Alhamdulilah pak Daplun, akhire atraksine rampung. Nah, siki tah rika kena ngomong..”

Daplun : “Matur nuwun pak pilot. Jane miki pas neng duwur nyong kepengin ngomong pisan, tapi tek tahan-tahan. Soale maras mbok kenang denda”

Pilot : “Hahaha, tapi siki kan wis neng ngingsor mbok pak? Anu arep ngomong apa jane miki neng ndhuwur??”

Daplun : “Anu… pak.. Nyong arep ngomong lamona ninine nyong gigal pak….”

 

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional