BanyumasPost

Daplun Melu Lomba Teknologi Tingkat Internasional

  • Reporter:
  • Rebo, 12 Juli 2017 | 16:39
  • / 17 Syawal 1438
  • Dibaca : 121 kali
Daplun Melu Lomba Teknologi Tingkat Internasional
Gambar : http://cic-indonesia.com

Senajan urip neng ndesa, Daplun kelebu jomblo sing teyeng ngapa baen. Molaih sekang dandan radio, tivi, nambal bokor pecah, tekan gawe layangan sing ana lampune uga teyeng.

Ndilalah, Daplun maca pengumuman lamona neng Clacap lagi ana lomba teknologi, hadiaeh lumangyan, ngantek 25 juta. Daplun akhire mangkat ngenthirak.

 

Neng kana, jebul pesertane ora mung sekang Indonesia thok. Ana sing sekang Jepang, Amerika, China tekan Timor Leste uga ana.

Neng babak penyisihan, Daplun ditakoni neng dewan juri sing asale sekang China :

Juri : “Hayya, lu olang bisa apa ha?”

Daplun : “Saya teyeng dandan radio pak juri, dandan tivi utawane kulkas ya jegos…”

Juri : “Hayya, bagus a? Coba lu plaktek dandani ladio ini a?”

Daplun banjur mraktekna carane dandan radio sing bodol. Nyatane temenan, ora ngantek limang menit radio kuwe wis moni maning.

 

Daplun siki mlebu babak semi final. Neng kana, Daplun didu karo peserta sekang 3 negara liyane. Dheweke kon nyebutna werna-werna teknologi sing wis tau digawe lan jenengane. Siki, jurine malah sekang Inggris.

Juri : “Okay, from Japan plis..”

Jepang : “Haik. Saya sudah bisa menciptakan arat yang bisa omong-omongan sekang kadohan. Bisa krungu suarane ran bisa katon raine. Arat itu saya beri nama HENPON, haik!!”

Jurine manthuk-mathuk, sing nonton pada keprok gumun pisan.

 

Juri : “From America, plis..”

Amerika : “Okay, ai bisa gawe alat supaya wong teyeng fly tekan langit. Alat kiye gud en canggih, bisa mabur kaya Supermen en Gathutkaca. Alat kiye tek jenengi PESAWAT . Tengkyu…”

 

Ora mung sing nonton thok, siki jurine malah melu keprok. Krungu sing keprok maju akeh, Daplun tambah panas. Deweke wis siap banget arep nidokna teknologi sing lewih canggih.

Juri : “Indonesia plis..”

Daplun : “Para hadirin, nyong sekang Indonesia ora kalah!!  Nyong teyeng gawe alat sing lewih canggih!! Kiye dudu alat sembarangan, gabungan antara teknologi karo ilmu gaib. Angger rika nganggo alat kiye, rika  teyeng mlaku nembus tembok, nembus kaca lan uga nembus wesi..”

Juri karo sing nonton pada reang, penasaran banget karo alat sing detidokna Daplun.

 

Juri : “Plis mister Daplun don kesuwen!! Yu sebutkan what jenenge your alat???”

Daplun ndelengena jurine lan penontone sing padha reang. Bareng ana sepuluh menitan lan wis amleng, Daplun nyebutna alat sing demangsud.

Daplun : “Mai alat is.. LAWANG…”

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional