BanyumasPost

Air Minum Kemasan Ora Teyeng Bosok, Sebabe Apa Ana Tanggal Kedaluwarsa neng Tutupe?

  • Reporter:
  • Slasa, 11 Juli 2017 | 08:50
  • / 16 Syawal 1438
  • Dibaca : 98 kali
Air Minum Kemasan Ora Teyeng Bosok, Sebabe Apa Ana Tanggal Kedaluwarsa neng Tutupe?
Air minum kemasan. boldsky.com

BANYUMASPOST.com – Siki-siki kiye akeh masarakat sing ngonsumsi air minum kemasan. Mbuh kuwe kemasan galon, botol utawane gelas.

Angger niliki air minum kemasan, mesthi ana tanggal kedaluwarsane sing biasane neng tutup. Wong-wong akhire padha mikir, “Mbokan sing jenenge banyu ora teyeng bosok?”

Miturut informasi sing decomot sekang merdeka.com, pancen sing jenenge air minum kemasan kuwe ora padha karo bahan pangan liyane sing bisa kepangan jamur, bosok utawane ora seger maning.

Anane tulisan kedaluwarsa kue mau, mergane bisa ana reaksi kimia sing muncul sekang plastik kemasan utawa botole.

Angger desimpen kesuwen, kemasan kue mau bisa ngetokena bahan kimia. Mulane angger bahan kimiane kecampur karo banyu, sing diinum dadine ora sehat maning.

Seliyane bahan kimia, ana faktor liyane sing marekna air minum kemasan kuwe ora apik maning. Contone panase srengenge, bahan kimia, lan zat-zat liyane sing nggo wadhah banyu.

Pancen sing jenenge wedang bening ora gampang bosok kaya dene daging utawane sayuran. Kuwe bisa disimpen kapan bae asal uwis digodhog lan diwadhaih karo wadhah sing aman.” [feb]

 

 

 

Sumber : merdeka.com

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional