BanyumasPost

Lengger Lanang, Uwis Ana Kawit Atusan Taun Gemiyen

  • Reporter:
  • Setu, 8 Juli 2017 | 14:22
  • / 13 Syawal 1438
  • Dibaca : 136 kali
Lengger Lanang, Uwis Ana Kawit Atusan Taun Gemiyen

Lengger kelebu kesenian tradisional Banyumasan sing urip lan ngrembaka kawit atusan tau kepungkur. Mulane ora gumun angger tekan jaman siki, kesenian lengger esih tetep urip lan lestari, khususe neng wilayah eks Karesidenan Banyumas lan sekitare.

Jan-jane, kesenian lengger neng wilayah Banyumas ora mung delakoni neng wong wadon. Ningen ana uga wong lanang sing teyeng dadi lengger. Budayawan asal Banyumas, Ahmad Tohari, uga ndweni tinemu sing kurang lewieh pada.

Decomot sekang antaranews.com, Kang Tohari, crita lamona anane lengger lanang neng Banyumas jan-jane wis ana kawit gemiyen lan dudu barang aneh. Mbahas bab transseksual lengger, miturut piyambeke, neng wilayah Banyumas uga uwis biyasa.

 

Dariah (kiwe), sang Maestro Lengger Lanang Banyumas, njagong karo seninam Didik Nini Thowok

 

Penampilan Dariah

 

“Neng desane inyong (Jatilawang, Banyumas), uga tau ana lengger lanang, kuwe wis biyasa. Ana lengger, ana uga ronggeng. Jan-jane, ‘lengger’ kuwe nggo wong lanang, angger ‘ronggeng’ nggo sing wadon,” Ature penulis Ronggeng Dukuh Paruk kue sing decomot sekang Antaranews.

Neng jaman sing wis canggih kaya kiye, anane lengger lanang kudune udu barang sing aneh, sebab fakta sejarah pancen anane kaya kuwe. Ningen angger mbukak sejarah lengger lanang, jan-jane esih ana maestro lengger lanang sing aran Dariah (Sadam) sing umure pancen wis tua.

Dariah

 

 

Dariah tekan siki esih mbudidaya anane kesenian lengger Banyumasan. Neng taun 2011, Dariah taunampani penghargaan  sekang Presiden Susilo Bambang Yudhoyono nggo kategori Maestro Seniman Tradisional.

Penghargaan kuwe detampa sebab dene dheweke kelebu wong lanang sing cara ngibinge lan  dandanane luwes kewes kaya dene wong wadon temenanan.

 

 

 

 

 

 

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional