BanyumasPost

Small World, Taman Miniatur Dunia neng Banyumas

  • Reporter:
  • Jemuah, 7 Juli 2017 | 09:02
  • / 12 Syawal 1438
  • Dibaca : 240 kali
Small World, Taman Miniatur Dunia neng Banyumas
Objek wisata baru bertajuk small world diburu pecandu selfie meski dibuka minggu lalu sudah ratusan pengunjung datang.-

Rika sing seneng landa-landaan, jajal mampir ngeneh, jenenge Small World. Kue kelebu papan plesiran sing wujude taman miniatur dunia.

Neng kana ana miniature Tugu Monas, Patung Merlion, Patung Liberty, Colosseum, Menara Pisa, Menara Eiffel, Menara Kembar, Kincir Angin ngantekan bunga sakura karo tulip, kabeh ana neng Small World Banyumas.

 

Small World kue kelebu papan plesiran edukasi. Mulane pas banget angger nggawa bocah. Neng kana, bocah-bocah bisa ngiras-ngirus sinau. Neng saben miniature, wis ana tulisan utawa keterangane. Dadi bocah wis bisa langsung maca.

Nggo sing esih nom-noman, Small World uga pas. Soale lokasine ora adoh sekang lokawisata Baturraden, mulane hawane adem. Neng kana uga akeh nggon-nggon sing apik nggo selfie, kaya bunga sakura, jembatan cinta, lan liya-liyane.

Rega tiket mlebune ora patia larang, 10ewu nek promo, 15ewu normal, lan 20ewu weekend. Mung cukup rega semono, bisa keliling dunia. Angger arep nganah, kiye rute perjalanan maring lokasi Small World:

Rika ngetutna dalan sing arep maring Lokawisata Baturraden. Sedurunge Terminal Baturaden, ana plang tulisane Curug Gede. Nah rika belok kiri ngantek ketemu gerbang masuk Desa Ketenger.

Pokoke ngetutna dalan kuwe ngantek mentok, mengko ketemu pertelon. Sekang pertelon belok kiri, terus ngetutna dalan ngantekan kurang lewih 300 meter. Neng kana mengko ana plang Small World.

 

 

 

(red)

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional