BanyumasPost

Medeni, Njerone Penjara Nusakambangan!

  • Reporter:
  • Jemuah, 7 Juli 2017 | 14:45
  • / 12 Syawal 1438
  • Dibaca : 1087 kali
Medeni, Njerone Penjara Nusakambangan!

Angger krungu tembung “Nusakambangan”, kaya-kayane rika wis ora patia gumun. Sebab, kuwe kelebu penjara paling medeni se-Indonesia. Lokasine uga nylesep, neng pulau Nusakambangan, Kabupten Cilacap.

Penjara kiye sering pisan dienggo nggo eksekusi mati. Mulane, LP Nusakambangan dikhususaken nggo pelaku kriminal paling dhuwur. Angger ana wong ngantek mlebu ngeneh, mesthi dosane jelas gede. Kira-kira ana apa bae neng njero penjara kiye?

 

Kriminal Kelas Wahid lan Penjara Level Maksimum

Nusakambangan dienggo khusus nggo napi-napi kejahatan gede, kaya dene terorisme, pembunuhan berencana, lan liya-liyane. Fakta kuwe dibuktikena anane jeneng-jeneng terkenal kaya Amrozi, Imam Samudera lan uga Ali Ghufron.

Sebab dene penjara kiye khusus nggo nampung wong-wong kelas berat, mulane ora gumun angger saben-saben sel dilengkapi karo sistem keamanan super maksimal. Ana sing dijaga pasukan bersenjata lengkap ngantekan sel isolasi nggo napi resiko tinggi.

 

Bukit Nirbaya, Nggon Pepaten sing Mejugrug neng Ngarep Mata

Salah siji sebab kenang apa Nusakambangan bangeting medeni kuwe anane bukit sing jenenge Nirbaya. Neng bukit kiye, para napi sing wis divonis mati, kur gari nunggu eksekusi.

Bukit Nirbaya kelebu panggonan sing paling sering dienggo nggo lahan eksekusi napi vonis mati. Papan panggonan kiye nambaih medeni anane Nusakambangan sing dhasare wis medeni.

Urung maning, akeh sing ngomong lamona neng kene akeh barang alus sing pating klayab. Kabeh mau marekna nambaih medeni suwasana neng kene.

 

Ana Atusan Wong Nunggu Gentenan Mati

Uwis bola-bali petugas mateni para napi neng Nusakambangan, ningen ora kabeh didadikena siyaran berita. Ewodene wis akeh sing mati, ningen tetep bae akeh sing arep nyusul lan ngenteni kapan wektune teka.

Ilustrasi penjara, sumber google.com

Esih ana atusan napi sing nunggu wektu eksekusi. Napi-napi kae urip kaya dene ora duwe tujuan sing genah, mung nunggu wektu ngantek tanggal eksekusi.

Wong-wong sing ora kenang vonis mati mesthine padha melas.  Kejaba kuwe, neng njero ati mesthi melu ngrasakena kaya ngapa nunggu tekane pati. Mbuh kaya ngapa rasane urip kaya kuwe.

 

Minggat Mung Arep dadi Patine

Pancen penjara kiye kelebu paling ekstrim se Indonesia, ningen ana bae napi sing njajal arep minggat. Ningen, jan-jane minggat sekang kene dudu pilihan sing pas.

LP Nusakambangan debangun neng pulau paling pinggir kidul Jawa Tengah. Neng kene esih ngrengkem alase. Petugas lapas lan masarakat sekitar esih bangeting percaya lamona neng alas-alas Nusakambangan esih ana kewan-kewan buas kaya macan ireng tekan ula-ula sing ana upase. Angger niyat minggat sekang kene, para napi bakal ngadhepi kahanan kue.

 

Mistis Penjara Nusakambangan Ora Kalah Medeni

Ora mung kue thok, neng Nusakambangan uga akeh banget crita mistis. Salah sijine alas neng kene sing jere angker pisan. Bangeting angker, ngantekan angger kesasar neng kene ora teyeng bali  selawase.

Tau ana crita petugas sing ora teyeng bali merga koleng neng tengah alas, dheweke bingung pisan.  Mari-mari bareng ngademna ati lan ngindari niat sing ora apik. Ora ganti sue, petugas kuwe bisa metu.

 

Ora mung neng alase thok, neng njero LP ne kelebu akeh kedadian sing medeni. Ya ora maido, sebab papan panggonan kuwe wis ana kawit jaman Landa.

 

Mula ayuh para sedulur, dadiya menungsa sing eling lan waspadha. Aja ngantek tumindak sing ora becik tumrap wong liya.

 

Urip kuwe mung sewetara, mula ayuh padha sing akeh sukure. Siki dhewek bisa turu angler neng umah, ningen neng kana esih ana sedhulure dhewek sing kudu ngalami nasib kaya kuwe.

 

Kanggo sedulur-sedulur sing lagi nduweni prekara hukum, ayuh didongakena kon enggal rampung tur bisa balik maring masarakat maning. Mesthine karo prilaku anyar sing lewih becik, lewin iman lan lewih eman maring sekabehane.

 

 

 

 

 

 

Referensi : bombastis.com, dream.co.id

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional