BanyumasPost

Curug Jenggala, Papan Wisata Paling Pas Nggo Romantis-romantisan

  • Reporter:
  • Kemis, 6 Juli 2017 | 09:52
  • / 11 Syawal 1438
  • Dibaca : 809 kali
Curug Jenggala, Papan Wisata Paling Pas Nggo Romantis-romantisan
Curug Cenggala, Maknyos Nggo Romantis-romantisan

Kabupaten Banyumas jebul duwe papan panggonan sing esih arang ditekani neng para plancong utawane traveler. Kejaba objek wisata Baturraden sing wis kewentar, esih ana maning wujud curug sing arane Curug Jenggala.

 

 

Curung Jenggala kelebu ‘air terjun’ sing manggon neng wilayah Baturraden. Siki-siki kiye, papan wisata kuwe lagi digandrungi banget neng bocah nom-noman. Mulane ora gumun nek sering katon neng sosial media kaya facebook , instagram, twitter lan liya-liyane.

Sedurunge, curug kue mau diarani curug tempuan. Ningen neng pemrentah desa setempat, banjur deganti dadi curug Jenggala. Kuwe mergane kesadaran masarakat sekitar maring potensi wisata molaih dhuwur, mula depilih jeneng Jenggala.

 

Nganggo swadaya pemrentah setempat, curug sing esih kelebu anyar kiye molaih dirumat. Salah sijine ndandani dalan mlebu, nambah fasilitas umum nggo wisatawan, lan liya-liyane.

Curug Jenggala manggon neng Dusun Kalipagu, Desa Ketenger Kecamatan Baturaden. Dalan mlebu nganah uga ora patia angel. Angger rika tau dolan maring objek wisata Baturraden, Curug Jenggala ora patia adoh sekang kono.

Nggo pengunjung anyar, sekang objek Wisata Baturraden, bisa takon maring masarakat sekitar arah maring Curug Jenggala. Mengko, pengunjung bakal ngliwati portal restribusi wisata lan mbayar Rp 5.000 per gundul.

 

 

Tekan nganah, pengunjug bisa nitipena kendharaan neng umah-umah warga. Bar kue, kudu mlaku maning tekan lokasi sing wektune kurang lewih ngantek 30 menit.

Dalan sing nuju maring Curug Jenggala lumangyan lunyu, apa maning nek bar udan. Mula kuwe,  kudu ngati-ati temenan. Nggo persiyapan, lewih apik nggawa sangu panganan utawane inuman. Sebab, neng kana kegolong esih langka bakul.

 

 

Sebab dene curug Jenggala kelebu objek wisata sing esih anyar, mulane fasilitas umum kaya toilet, papan ganti klambi, jan-jane wis ana,  ningen jumlahe esih sethithik mula tetep kudu ngantri.

 

 

Sing paling ‘hits’ neng kana, kuwe deck kayu sing bentuke godong waru sing ngadeg neng ngarep curug persis. Lokasi kuwe cocog banget nggo poto-poto utawane selfie.

Seliyane kuwe, curug Jenggala duwe pemandangan sing alami, wit-witane ya esih akeh tur ijo royo-royo. Mulane cocog banget nggo wong nom-noman sing lagi seneng romantis-romantisan.

 

 

 

 

 

Decomot sekang : piknikasik.com

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional