BanyumasPost

Jajal Cek neng Kene, Lanange Rika Tukang Ndlepus Apa Ora

  • Reporter:
  • Slasa, 4 Juli 2017 | 15:31
  • / 9 Syawal 1438
  • Dibaca : 141 kali
Jajal Cek neng Kene, Lanange Rika Tukang Ndlepus Apa Ora

Kepengin ngerti lanange rika tukang ndlepus apa ora? Kiye ana ciri-cirine :

 

Angger detakoni clala-clili tur ora age-age njawab

Kiye kelebu cara sing paling gampang nggo mahami wong lanang kuwe ndlepus apa ora. Angger wong nglombo, biasane ndadak nggoleti pirang-pirang alesan. Mulane raine cokan clala-clili angger detakoni.

Salah siji sing marekna katon clala-clili, yakue wong lanang mbutuhena wektu nggo ngarang crita. Dheweke kudu mikir lan nggathuk-gathukena pirang-pirang kedadian supayane ora katon nglombone.

 

Ora gelem ngomong adu arep

Wong lanang nglombo angger diseng crita biasane ora gelem adu arep. Ana bae alesan kon supayane sing wadon ora mbahas bab kuwe. Angger didhedhes, biyasane goli njawab kayong ora genah. Sing genah katon banget, angger dijak crita karo njagong bareng biyasane ora gelem tur kakehen alesan.

 

Matane ora gelem ndeleng langsung

Wong lanang tukang ndlepus jan-jane ya tetep bae ana rasa isin neng njero ati. Mulane angger matane dipenthelengi neng wadone, biasane ora gelem ndeleng langsung.

Dheweke ora gelem ngakoni apa sing wis delakoni. Mulane emboh mbahas sing diwujudena karo mata sing ora gelem ndeleng langsung.

 

Katon ana sing ora beres

Wong lanang tukang ndlepus ora bisa ngarang crita 100 persen sempurna, mesthi ana bae sisi kekurangane. Mulane, kadang-kadang sering ngomong sing ora pas karo sing wis tau diomongena. Mbuh bentuke omongan apa, sing jelas angger depikir kayong ora singkron karo omongan sedurunge.

 

Ujug-ujug mecucu

Sebab dene sing wadon ora olih takon sing werna-werna, mulane tukang ndlepus cokan ujug-ujug mecucu. Kabeh mau delakoni sebab kepengin sing wadon aja ngantek takon lewih akeh sing marekna kebukti nglomboni.

 

Kakehan crita

Wong lanang tukang ndlepus kadang-kadang gawe crita sing dawa tur werna-werna. Kuwe dilakoni nggo nutup kesalahane dheweke supaya aman tur ora gampak dibedhek.

 

Ana prilaku fisik sing ora biasa

Ujug-ujug nggentak-nggentak sikile maring lemah, njiot barang-barang sing ora biasa, kukur-kukur lan lan liya-liyane. Prilaku sing kaya kue biasane ora nguja delakoni ning nyata-nyata cokan katon angger pancen lagi nglomboni.

 

Detakoni ora semaur

Angger ana wong lanang sing detakoni ora semaur, meneng bae utawane ora nggople, bisa uga kelebu tukang ndlepus. Wong lanang sing kaya kuwe biasane ora gelem crita merga wedi kewenangan nglombone.

 

 

 

(red)

 

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional