BanyumasPost

Aja Maning-maning Turu Nyandhing Hape, Bahaya!

  • Reporter:
  • Slasa, 4 Juli 2017 | 14:00
  • / 9 Syawal 1438
  • Dibaca : 138 kali
Aja Maning-maning Turu Nyandhing Hape, Bahaya!

Neng jaman siki, meh kabeh wong duwe hape. Gemiyen sing jenenge hape kelebu barang mewah, sing duwe ya esih siji loro. Nek siki, paribasan bocah lair wingi sore be uwis pinter dolanan hape.

Hape wis kelebu batir menungsa. Sebab seliyane due fungsi nggo tilpun utawa sms, hape neng jaman siki bisa nggo ngapa baen. Sekang dolanan gim, nonton film, malah ngantek ana sing dadi pengusaha sukses merga liwat hape.

Kejaba manfangat sing akeh kue mau, jebul hape uga nduwe bahaya. Pancaran radiasi tinggi sekang hape, bisa marekena ngganggu saraf menungsa. Miturut WHO, radiasi sekang hape sifate karsinogenik sing bisa nyebabena kanker utawane tumor.

Lewih bahaya maning, angger lagi turu nyandhing hape sing aktif. Kuwe bisa nganggu banget maring kesehatan menungsa sing nggunakena. Mulane, angger bisaa kebiasaan kuwe mau aja nganti delakoni maning.

Miturut pirang-pirang sumber, dampak sekang hape sing biasa desanding angger turu yakue :

 

Marekena tumor otak

Radiasi sekang hape duwe pengaruh anane neoplasma sekang regenerasi sel sing ora wajar. Biasane, tumor otak bisa nyerang wong tuwa sing umure produktif. Ningen ora sethithik uga ditemukena kasus kaya kuwe neng bocah cilik. Mulane, molaih siki deusahakena aja sering-dering turu nyanding hape.

 

Marekena kanker

Meh pada karo tumor otak, radiasi hape uga duwe pengaruh neng proses pembelahan sel-sel awak sing akhire ora terkendali. Sel-sel abnormal kiye nyerang jaringan sing kontak langsung maring hape, kaya dene kulit utawane kuping.

Seliyane kuwe, anggota awak liyane kaya weteng uga bisa kenang radiasi hape sing marekena kanker. Kabeh mau disebebena merga sing duwe hape sering ndelah neng ngingsor awak banjur ketindihan.

 

Kobong utawa njeblug

Akeh media masa sing aweh kabar lamona ana kasus hepe njeblug banjur kobong sing akhire nyilakani sing duwe. Kedadian kaya kuwe sebab dene sing duwe hape sering ngecas ning ditinggal turu. Pas dayane kebek lan kelalen ora dijabud, akhire hape dadi panas. Umpama sewektu-wektu konslet, akhire bisa njeblug lan kobong.

 

Marekena lara endhas

Radiasi sekang hape tumrap neng wong sing sensitive maring gelombang RF sing dipancarena sekang hape, bisa marekena lara endhas, puyeng, mugug-mugug ngantekan mutah-mutah.

 

Ora lali turu

Hape bisa marekene wong dadi ora lali turu. Mbuh sebab dene asik dolanan gim, tilpunan karo yayang, sibuk mbales chat sekang kanca batir, utawa mbukak-mbukak informasi liyane neng internet. Hape uga bisa ndadikena rasa was-was, glangsaran utawane methentheng.

 

Serangan jantung

Tau ana wong sing duwe riwayat prenyakit jantung ujug-ujug mati bar krungu ana hape moni. Bisa uga wong kue mau kaget sing akhire marekna serangan jantung. Mula kuwe, ngati-ati nggo sanak permili sing duwe riwayat prenyakit jantung, aja nganti anane hape marekena nganggu wektune ngaso.

 

Marekna Keselen

Hape sing ana neng pipire sing duwe, marekna ora lali turu. Ewodone wis turu, ningen jan-jane esih kemutan apa-apa sing nembe dibukaki. Kuwe sing marekena pikirane ngglambyar ora genah. Pas tangi, awak biasane krasa kesel banget, padahal bar ora nyambut gawe sing abot-abot.

 

Nganggu proses metabolisme

Wong sing lagi turu, jan-jane metabolisme awake lagi kerja aktif. Mula kuwe, angger kenang radiasi, proses pencernaan utawa detoksifikasi neng awak dadi ora lancar. Kuwe sing akhire marekna gangguan pencernaan.

 

Merga akeh resiko sing disebabena turu neng pipir hape, mula mayuh rika padha kudu duwe keputusan. Arep tetep turu nyandhing hape karo resiko-resiko kue mau, utawane kepengin turu angler lan tetep sehat, ningen ora nyanding hape. Mangga dipikiraken sing temenenan.

 

 

(red)

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional