BanyumasPost

Kepengin Mari Udud

  • Reporter:
  • Slasa, 20 Juni 2017 | 15:43
  • / 25 Ramadhan 1438
  • Dibaca : 163 kali
Kepengin Mari Udud

Daplun wis kelebu nemen goli kecanduan udud. Ora mung kenang watuk thok, siki malah  dadane wis molaih lara. Dheweke maras banget mbok ngantek kenang prenyakit jantung. Akhire, dheweke priksa maring dokter.

Daplun : “Pak Dokter, kepriwe yoh kon sangkane nyong mari udud?”

Dokter : “Rika niat temenanan?”

Daplun : “Ya iya lah pak. Nyong wis njajal werna-werna cara, tapi urung bisa kon ora udud koh..?”

Dokter : “Kaya kiye pak, nyong ana metode nggo mengatasi kecanduan rokok, tapi mandan ekstrim. Rika gelem si?”

Daplun : “Dijamin mari apa ora kue, pak dokter?”

Dokter : “Dijamin! Nek ora mari, nyong wani mbayar meng rika 5 juta”

Daplun : “Ya, nyong gelem! Tapi, kepriwe kue carane pak dokter?”

Dokter : “Dadi kaya kiye. Saben rika arep udud, rika nggolet tembelek lancung. Tembelek kue di lethok-lethokena maring rokok sing urung disumed. Bar kue, rokoke diambung neng rika. Sepisan pindho pancen jijih, tapi angger wis ana seminggu, dejamin rika ora doyan udud blas..”

 

Daplun akhire njajal metode kuwe. Bareng wis ana sewulanan, Daplun nemoni pak dokter maning.

Dokter : “Lho, rika mbok bapak-bapak sing ganu kepengin mari udud? Kepriwe-kepriwe, metodene nyong manjur pisan mbok?”

Daplun : “Iya pak dokter, nyatane tekan siki nyong wis ora doyan udud maning..”

Dokter : “Alhamdulilah. Lhah, terus, rika ngeneh maning ana keperluan apa? Nek wis ora kecanduan rokok maning ya syukur, aku melu bungah..”

Daplun : “Tapi dok…. Siki malah nyong dadi kecanduan maring mambune tembelek koh…”

 

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional