BanyumasPost

Kun Aslimah, Bocah Kalem sing Pinter Usaha

  • Reporter:
  • Setu, 17 Juni 2017 | 11:03
  • / 22 Ramadhan 1438
  • Dibaca : 168 kali
Kun Aslimah, Bocah Kalem sing Pinter Usaha

Sapa nyana, prawan ayu sing ketone temua kuwe, umure nembe 21 taun.  Kelairan 18 Oktober 1995, Kun Aslimah, siki lagi nempuh pendhidhikan neng Universitas Peradaban Bumiayu.

 

Salah siji sing gawe bocah kalem kiye istimewa, yakue semangate sing gedhe goli nggayuh cita-cita. Kun Aslimah duwe prinsip, menawa wong urip kuwe kudu duwe target.

 

“Wong urip kudu duwe target. Sebeb target kuwe tujuan nggo nglakoni urip” Jerene dheweke nalika dekonfirmasi neng BanyumasPost, Kemis (14/6).

 

Seliyane tugas utama dadi mahasiswa sing siki wis mlebu semester 8, Kun Aslimah uga duwe kesibukan liyane. Dheweke lagi mengembangkan usaha “buket bunga lan snack”. Miturute dheweke, prodak usahane dudu musiman, mulane tetep akeh bae wong sing mbutuhena.

“Soale buket bunga lan snack kuwe salah siji usaha sing terus debutuhena. Bisa nggo hadiah ulang taun, sidang, anniv lan liya-liyane. Meh unggal dina ana, mulane tetap bae ana sing mbutuhena” jerene.

 

Miturute Kun Aslimah, dheweke kuliah nyambi usaha kuwe kelebu nyalurna hobby karo sekalian kepengin mbantu wong tuwane. Hasile dienggo nggo keperluane dhewek supaya ora bola-bali njaluk maring wong tuwa.

 

“Nggo kebutuhane dhewek dhisit, supaya ora bolak-balik njaluk dhuwit maring wong tuwa” Jerene.

 

Semena uga, wong tuwane dheweke ndukung pisan maring apa bae sing delakoni, sing penting apik lan nduweni manfangat, “Alhamdulillah, wong tua ndukung, sing penting positif”

 

Kun Aslimah nduwe pepeling  nggo bocah nom-noman sing lagi padha-padha berjuang kaya dheweke, “Jaman siki boca nom-noman ora bisa ucul sekang gadget. Lewih apik maning angger gadget kuwe ora mung nggo seneng-seneng thok, ningen bisa dadi peluang sing apik” jerene bocah sing duwe akun instagram @kunaslimah18 kuwe.

 

 

 

(red)

 

 

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional