BanyumasPost

Lanange Setia Soten, Wadone Bisa Kenang Kanker Serviks Bae

  • Reporter:
  • Slasa, 13 Juni 2017 | 14:38
  • / 18 Ramadhan 1438
  • Dibaca : 114 kali
Lanange Setia Soten, Wadone Bisa Kenang Kanker Serviks Bae

BANYUMASPOST.com – Kanker serviks utawa leher rahim sing disebabena neng human papilloma virus (HPV) wis ngrenggut nyawane  Julia Perez ( Jupe), neng dina Setu (10/6/2017) wingi.

 

Masarakat awam nganggep HPV kuwe kelebu virus sing ditularena sebab nglakoni aktivitas seksual. Ningen seliyane liwat cara kuwe, HPV uga bisa disebabena liwat tangan lan  panganan, contone mangan karo tangan.

 

Dehubungi neng kompas.com, Senen (12/6), Prof Andrijono, SpOg (K), staf  Departemen Obstetri lan Ginekologi FKUI/RSCM ngendika, nyebare HPV paling akeh pancen liwat aktivitas seksual, ningen ana uga sing liwat tangan.

 

Seliyane kuwe, barang-barang neng kiwe tengene dhewek uga nduweni peranan nyebarena HPV. Andrijono nyebutena, ana penelitian neng Inggris sing mbuktikena lamona HPV postitif ana neng gagang lawang.

 

“Kakus utawane toilet sing belok uga bisa dadi sumber penularan. Belok, njupek, ora kenang srengenge, kuwe viruse akeh. Angger wong lanang posisi nguyuh ngadeg ora masalah, ningen angger wong wadon mesthine kudu ndhodhok, bisa-bisa kecepretan. Ijol-ijolan jeroan kathok uga pontesi nyebarena” jere Andrijono.

 

Angger uwis kenang impeksi HPV, bisa marekena prenyakit kanker, termasuke kanker serviks, cangkem, tenggorokan, ilat lan bol (dubur). Magan ora mung wong wadon, wong lanang uga duwe potensi ketularan HPV sing akhire kenang kutil kelamin, kanker bol lan kanker penis.

 

Sebab dene anane kaya kuwe, Andrijono ngusulena maring pemrentah nganakena program vaksinasi nasional. Wingi-wingi, vaksinasi wis delakokena neng DKI nggo bocah kelas V SD kawit tahun 2016. Tahun 2017, vaksinasi arep dilakokena neng wilayah Surabaya lan Jakarta.

 

Decomot sekang : kompas.com

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional