BanyumasPost

Bisnis Kuliner Keong Sawah, Omsete Rp 5 Juta Sedina

  • Reporter:
  • Senen, 12 Juni 2017 | 08:37
  • / 17 Ramadhan 1438
  • Dibaca : 147 kali
Bisnis Kuliner Keong Sawah, Omsete Rp 5 Juta Sedina

BANYUMASPOST.com – Tau nyicipi kraca utawane keong sawah? Neng Purwokerto, ana bakul sing dodol panganan kiye. Pas banget angger nggo buka puasa.

Panganan keong sawah sing aromane seger pisan demasak neng Chamlani (57), sing manggon neng Jalan Kauman Lama, Kecamatan Purwokerto Timur, Kabupaten Banyumas, Jawa Tengah.

Derowangi neng Bojone, Kusnani, masakan keong kiye siap didol maring pelanggane sing wis padha ngantri.

Wulan puasa kelebu wulan sing paling ora ngoberi nggo Chamlani. Sebab, pegawenane mesthi tambah. Dheweke meh arang ngaso sebab dene ngladheni penjaluke penggemar keong sing  maju akeh.

“Neng Banyumas kiye wis dadi tradisi, angger wulan puasa goli madhang lawuhe keong. Nyong ngantek kewalahan nuruti penjalukane wong tuku ” jerene, Jemuah (9/6/2017)

Neng dina-dina biasa, Chamlani paling-paling masak 15-25 kilogram keong, ningen khusus neng wulan puasa, teyeng ngentongena 100 kilogram keong mateng. Omsete kelebu munggah ngantek Rp 5 juta per dina.

Pelanggan sing arep tuku bisa mbayar Rp 40.000 per kilogram. Chamlani uga nglayani wong tuku per porsi keong sing bobote 3 ons regane Rp 15.000.

“Wulan puasa kaya kiye, pelanggane lewih akeh wong kenean. Ningen angger preian bada, pelanggane gentenan tekan wong kana-kana utawa wisatawan sing mampir neng Purwokerto” jerene.

Bisnis kuliner keong molaih berkembang bar media molaih nyiarena kuliner khas Purwokerto neng tahun 2014. Akeh pelanggan sekang luar Purwokerto sing mampir maring warunge.

 

 

Decomot sekang : kompas.com

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional