BanyumasPost

Buset, Arep Bada Rega Jengkol Ngantek Rp 100 ewu Sekilo

  • Reporter:
  • Jemuah, 9 Juni 2017 | 10:18
  • / 14 Ramadhan 1438
  • Dibaca : 98 kali
Buset, Arep Bada Rega Jengkol Ngantek Rp 100 ewu Sekilo

BANYUMASPOST.com  – Rega jengkol neng wilayah Jawa Tengah, khususe neng Semarang siki lagi mundhak. Penyebabe deperkirakena sekang pasokan sing sethithik. Tekan siki rega sekilone ngantek Rp 100 ewu.

 

Rusminah, bakul jengkol neng Pasar Karangayu, ngomong lamona mundhake rega wis kawit sewulan kiye. Miki-mikine, rega neng petani molai sekang Rp 50 ewu per kilo. Bar kuwe, regane mundhak terus butul Rp 100 ewu per kilo molaih Slasa, (6/6/2017)

 

“Dina kiye wis ngantek 100 ewu. Padahal rega normale paling-paling mung 15 ewu. Pancen larang pisan, sebabe barange langka” jere dheweke.

 

Dheweke bingung sebab dene jengkol molaih langka. Angger meh bada rega jengkol pancen mundhak. Sebabe jengkol kuwe kelebu panganan akeh sing dhemen. Seliyane nggo gawe semur, jengkol pancen gurih digawe rendhang.

 

“Jan-jane sing seneng jengkol akeh, ningen ora nana sing wani tuku. Sebabe larang, wong-wong mung tuku se ons ngantek sekilo. Nek pas murah biyasane laris” jere.

 

Wingi-wingi, dheweke biyasane olih kiriman jengkol sekang Salatiga. Jerene, dhuwure rega jengkol marekena bakul-bakul pada njudheg. Malah, bakul-bakul neng Pasar Johar akhire nggoleti jengkol tekan Karangayu.

 

“Kawit awal puasa wis langka sing adol. Saben maring ngeneh ora tau olih jengkol. Jan-jane pelanggane inyong akeh sing nggoleti” jere Nita, bakul beceran sing manggon neng Pasar Johar Baru.

Dheweke ora bisa ngira-ira tekan kapan rega jengkol bisa normal. Angger ndeleng langkane barang, kayane tetep angel diperkirakena.

 

Decomot sekang : merdeka.com jawa tengah

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional