BanyumasPost

Jebul Kiye Sing Marekena Rega Budin Endhep

  • Reporter:
  • Kemis, 8 Juni 2017 | 08:58
  • / 13 Ramadhan 1438
  • Dibaca : 298 kali
Jebul Kiye Sing Marekena Rega Budin Endhep
Budin (http://reps-id.com)

BANYUMASPOST – Rika sing dhemen nandur, utamane nandur budin, biyasane akeh sing cokan pada ngresula. Lhah, arep ora ngresula kepriwe, wong sekilo regane paling-paling mung 400 perak?

Nggolet informasi nganah-ngeneh, BanyumasPost akhire nemukena salah siji penyebabe.

Miturut kabar sing desiyarena neng tempo.co, siki-siki kiye Indonesia lagi kebanjiren budin impor. Mulane patut, nek budin lokal akhire regane endhep.

Anane kedadiyan kuwe mau, Menteri Pertanian Amran Sulaiman, lagi ngupayakena auturan. Pihake arep ngetokena aturan sing jenenge tata niaga singkong. Kue salah siji aturan sing degawe pemrentah supaya budin lokal regane ora anjlog mergane kesaing neng budin import.

“Masalah budin lagi tek proses, paling suwe sewulan maning,” ngendikane dheweke nalika lagi rapat karo pejabat terkait liyane.

Tekan siki dheweke rumangsa pancen urung ana aturan sing mbahas bab budin, “Ubungane karo masalah budin pancen urung ana regulasi sing ngatur impor” ngendikane.

Sedurunge, Menteri Perdagangan Enggartiasto Lukita bareng karo Menteri Amran wis nganakena rapat sing mbahas masalah budin. Jerene, akeh petani sing ngresula gara-gara neng pasaran rega budin ora patut murahe.

“Iya, mengko tek rampungena tuk semendhing. Neng Lampung, petani karo Bupati pada demo sebab dene rega budin mung 400 perak per kilone” ngendikane Enggar.

Masalah kaya kuwe jane wis tekan ngendi ora. Endhepe rega budin deperkirakena sebab dene kakehen stok impor.

Miturut Enggar, neng jaman perdagangan bebas kaya siki, ngimpor ya sah-sah bae. Ningen angger petani klepekan ya pihake arep ngatur kon sangkane tertib.

referensi : tempo.co

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional