BanyumasPost

Kenthongan Jane Miki-mikine Anu Mung Kaya Kiye

  • Reporter:
  • Rebo, 7 Juni 2017 | 11:33
  • / 12 Ramadhan 1438
  • Dibaca : 246 kali
Kenthongan Jane Miki-mikine Anu Mung Kaya Kiye
Kentongan (google)

Angger lagi nonton kenthongan, rasane koh kayong betah. Anu kadaran mung pring desigar sing dekombinasi karo blong wadhah banyu bekoh, derungokena kayong mbleketaket nemen.

Apa maning angger uwis moni lagu-lagu koplo jaman sikian. Jan, sing arane bokong karo beyekan koh wegige ora memper. Derasa-rasa kayong klebet geol pisan koh!

 

 

Urung sekang sisi penarine sing luwes tur ayu-ayu. Goli ngowal-awil tangan, awak karo bemper sing kewes, marekna sing nonton pengin terjun secara “live” melu njogged bareng.

Senggane rika melu njoged tah, kaya-kayane goli ngibing ngantek beyekane semplak moni rekatak orag-orag gentawil kethaprok, gek!

 

 

Owalah, rika ngerti apa ora, kenthongan kuwe asal usule sekang endi?

Miturut situs Dinporabudpar Kabupaten Banyumas, awal mulane ana kenthongan kuwe sekang kegiatan rondha sing deanakena neng desa-desa.

 

Sebab bapak-bapak kuwe nglangut mung nganggo kenthong sing monine biyasa, akhire gawe modhel sing nduweni nada. Tujuane, supaya nek detabuh bareng-bareng bisa dadi onen-onen sing buket.

Sekang kono, kenthongan berkembang. Sing mikine mung pring-pring bloko, detambah efek suara bas nganggo blong, efek suara drum nganggo ketrak, lan liya-liyane.

Nggo nggenepi laras, angklung sing biyasane lewih sering denggo neng wong kulonan, akhire dekombinasi karo media-media kue mau. Akhire, dadi kenthongan sing kaya siki kiye.

 

 

Anane kenthongan wis ramen ngantek butul ngendi ora. Kesenian sing uga sering dearani “thek-thek” kiye, wis degandrungi neng amper wilayah se -Kabupaten Banyumas.

Ndeleng sekang sisi baguse, kenthongan katon meriah angger se-grupe deisi ngantek ana wong 20 butul 60 wong. Kuwe wis kelebu penari karo pemusike.

Sebab dene degandrungi neng masarakat, mulane siki kenthongan wis dadi budaya Banyumas sing delestarikena. Contone, warga sing duwe gawe (hajatan), siki wis akeh sing dhemen nanggap kenthongan.

Paling ora, pengarepe kenthongan bisa dadi budaya sing ndukung potensi-potensi bagus liyane.

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional