BanyumasPost

Mbojo Karo Randha Anake Loro, Kepriwe?

  • Reporter:
  • Slasa, 6 Juni 2017 | 08:55
  • / 11 Ramadhan 1438
  • Dibaca : 124 kali
Mbojo Karo Randha Anake Loro, Kepriwe?
Ilustrasi peempuan dewasa

Assalamu ‘alaikum Wr Wb
Apa kabar Kang Gendhon? Tek dongakena moga-moga rika sekanca sehat wal afiat.

Kang, inyong bujang wis 28 taun, tekan siki urung mbojo.

Siki inyong lagi duwe gandhengan karo bocah wadon sing umure lewih tua 7 tahun. Dheweke umure wis 35.

Jane si masalah umur ora tek pikir. Sing depikir nemen kuwe statuse. Dheweke randha wus due anak 1.

Sekang inyong pribadi, meh langka keraguan babar pisan. Senajan randha, dheweke mandiri, duwe bisnis online sing lumangyan laris.

Tapi yakue, masalah utamane neng wong tuwaku, khususe biyungku.

Tekan siki biyungku mriang-mriangen. Angger detakoni, deweke mriang sebab ora setuju aku sing arep ningkah karo pilihanku.

Angger kaya kuwe kepriwe kang? Nyong dadi serba salah.

Kaya kue bae kang Gendhon, matur nuwun sedurunge.

Wassalam.

Dito – Kedungbantheng
———–

 

Wa’alaikumussalam Kang Dito,
Matur nuwun pendongane, sewalike moga-moga rika sekeluwarga sehat, waras slamet.

Ana sing ngomong jerene ridone wong tuwa kuwe ridone Gusti. Angger wong tua ora rido, ya Gusti ora ridho. Kayakue, jere.

Ningen rika aja banjur putus asa. Sebab wis lumrahe wong urip pancen ana coba utawane godha. Sapa ngerti, sikape wong tuwane rika sing kaya kuwe, mertandhani rika arep makmur selawase karo pilihan atine rika.

Bisa uga, sing dealami neng rika kuwe anu mung sandungan cilik, sing ora perlu depikir nemen. Angger uwis liwat, ya uwis. Paribasan wong kuna, wis ilang sebel puyenge gari seger warase.

Siki jajal rika komunikasi maning maring wong tuwane, khususe biyunge. Ngomong sing ngati-ati, terus takon jan-jane apa sing paling ngganjel neng pikirane dheweke. Apa merga randha, apa merga liyane.
Angger pancen merga statuse, jajal rika aweh pengerten tentang apike dheweke. Critakena keutamaane debanding liyane. Tapi yakuwe, rika kudu bener-bener precaya menawa binaeh rika kue pancen due kualitas sing mumpuni. Tegese, udu anu wong gaduran.
Aja kelalen, binaeh rika demandan moprol goli ngirim. Dina siki ngirim apel Washington, ngesuke martabak Bandung, ngemben sop buntut, ngembene maning klambi anyar, ngemben-ngembene maning gelang, kalung, suweng lan liya liyane.

Umpamane kuwe pancen wong sing wis degarisena dadi jodone rika, Insha Allah arep butul maring pelaminan. Rika teyeng nanggap orjen karo jogedan mengkone.

Menawa ora, ya rika kudu sing tatag. Sebab rencanane Gusti biyasane lewih apik, ewodene neng menungsane cokan deanggep ora apik.

Wis kaya kue bae kang Dito. Nganah kae bianeh dejak kulak pasar. Becer sing mandan akeh nggo agan ngirim.

Inyong, Gendhon, melu ndongakena nggo kesuksesane rika.
Wassalam,
Kang Gendhon

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional