BanyumasPost

Viola Desta, Prawan Jatilawang sing Seneng Badminton

  • Reporter:
  • Senen, 5 Juni 2017 | 14:50
  • / 10 Ramadhan 1438
  • Dibaca : 340 kali
Viola Desta, Prawan Jatilawang sing Seneng Badminton

Viola Desta Lingga Rehata, prawan manis kelahiran 4 April 1999 kiye, kelebu bocah wadon sing nduweni kepribadiyan nyenengena. Merga keluwesane goli bergaul, dheweke duwe kanca akeh. Ora mung kanca wadon thok, bocah-bocah lanang uga akeh sing akrab karo dheweke.

Dewawancara neng BanyumasPost, Ahad (6/5/2017), Viola crita lamona supaya bisa nduweni kanca akeh, ana rahasia utawa tata pergaulane.

“Kudu bisa dadi pendengar yang baik. Nek bisa kaya kuwe, biyasane akeh kanca sing seneng” ujare Viola.

Manggon neng Desa Tinggarjaya Kecamatan Jatilawang, Viola kelebu bocah sing debangga-banggakena neng wong tuwane. Karepe Bapak lan Ibune, nek bisaa Viola dadi bocah sing nduweni karakter lan berbudi pekerti luhur.

“Bapak Ibu pengin aku dadi bocah sing duwe budi pekerti, utamane duweni iman” Jere Viola

Pawakane sing cilik dhuwur kaya dene modhel, marekena akeh bujang-bujang sing padha kesengsem maring dheweke.

Detakoni neng BanyumasPost, Viola njawab lamona siki urung mikir tekan ngonoh. Dheweke esih kepengin fokus goli sinau supaya bisa nyenengena wong tuwane.

“Nek masalah cowo aku urung mikir banget-banget. Siki lagi kepengin fokus sinau sing bener” jerene.

Tekan siki urung ana bocah lanang sing gawe krenteg atine dheweke. Ningen, umpamane mbesuk nduweni jodho, Viola kepengin duwe pasangan sing pawakane dhuwur, humoris, pinter, mandiri tur setia. Nek bisaa, teyeng mbimbing dheweke sing lewih apik maning, terutama hal keimanan.

“Aku pengin duwe jodo sing humoris. Nek bisa imane kuwat” jarene.

Viola siki lagi nempuh pendhidhikan neng salah siji sekolah kejuruan neng wilayah Kecamatan Jatilawang, Kabupaten Banyumas. Dheweke crita lamona mengko-mengkone kepengin nerusena pendhidhikan maring perguruan tinggi sing bonavid.

“Kepengin si nerusena. Nek bisa kuliah nyambi kerja, supaya bisa meringankan beban wong tuwa” Ujare.

Mbahas masalah hobby, Viola seneng banget maring olahraga bulu tangkis. Beda karo bocah wadon seumurane sing biyasane dhemen nyanyi utawa nari, Viola malah nggetem banget angger kon main bulu tangkis.

Ujare Viola, bulu tangkis kue kelebu olah raga sing nyenengena, “Bulu tangkis kuwe asik. Apa maning nek lawan maine lewih pinter, dadi bisa melu sinau”

Kanggo kanca-kanca sing kepengin kenalan, bisa follow maring instagrame @violakuu_ utawane Fesbuk Viola Desta.

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional