BanyumasPost

Polahe Pak Lurah Daplun

  • Reporter:
  • Senen, 5 Juni 2017 | 09:30
  • / 10 Ramadhan 1438
  • Dibaca : 146 kali
Polahe Pak Lurah Daplun

 

Wengi kiye Pak Lurah Daplun ngundang pak Camat kon ngresmekena pembangunan sier sing nembe bae rampung.

Ora baen-baen, dheweke nanggap orjen tunggal khusus nggo nyuguh pak Camat lan para tamu undangan.

Pak Lurah nganggo klambi bathik, kuplukan terus njagong neng jejere pak Camat.

Ora ganti sue, orjen tunggale labuh. Pak Camat desuguhi 3 penyanyi karo lagu-lagu sing mbleketaket.

Penyanyi sing pertama, ayu pisan. Tapi yakue, suarane pas-pasan. Mulane pas rampung nembang, penonton sing keprok mung 50%.

Penyanyi keloro, raine mandan elek tapi suarane apik. Perkiraan penonton sing keprok ya sekitar 65%.

Penyanyi sing nomer telu, malah kayong ora patut babar blas. Wis suwarane elek, raine ya ora petha. Tapi sing marekna aneh, meh kabeh penonton keprok karo surak-surak.

Pak Camat sing katon bingung, akhire takon karo krisikan maring pak lurah Daplun.

“Pak Lurah, koh aneh temen ya? Raine elek, suarane sember, awake ya langka bentuke, jan presis kaya gedebogan! Tapi kenang apa koh bisa akeh sing ngeproki?”

Pak lurah Daplun njawab karo klesam-klesem.
“Hehehe, nuwun sewu pak Camat. Menika anu bojone kula…”

Pak Camat banjur mendelik sebab keloloden jenang sing lagi depangan.

 

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional