BanyumasPost

Daplun Nggolet Pembantu

  • Reporter:
  • Senen, 5 Juni 2017 | 09:58
  • / 10 Ramadhan 1438
  • Dibaca : 120 kali
Daplun Nggolet Pembantu

Bar detinggal Dakem ngode neng luar negeri, Daplun akhire kayong krasa kesepian.

Esok sore thilang-thileng mung dhewekan langka batire.

Ora mung kuwe thok, umah gedong magrong-magrong sing debangun sekang kasil usahane Dakem neng luar, siki malah ora kerumat.

Jogane merah-meruh, prabotane ya pating slarah ora karu-karuan.

Pas kebeneran Dakem nilpun, Daplun akhire crita masalah kuwe mau.

Dakem ngusulaken kon nggolet pembantu bae, supaya bisa rowang-rowang ngrumat umah.

 

Bar kedadiyan kuwe, Daplun akhire nggolet informasi maring kantor sing biyasane nyalurena pembantu.

Neng kana, dheweke ketemu karo resepsionis. Daplun banjur takon-takon.

“Mba, kula butuh pembantu nggo bersih-bersih umah sing umure 20-an. Ana ora mba?”

“Ora nana, Mas…” jawabe mba-mba kue mau.

“Ya wis nek langka sing umur semeno, umur 30-an ya ora papa..”

“Ora nana!!!” Mba resepsionis goli njawab mandan kecut raine.

“Nek kaya kue sing umur 40-an ya ora papa, mba.. Asal sehat” Daplun mandan ngrintiih.

“Massss… Kiye BANK udu agen pembantu rumah tangga!” Resepsionise goli ngomong nyentak, Daplun mandan tersinggung.

“Rika deneng kesuh mba?!! Lha nek udu kantor sing nyediakena pembantu, ngapa neng ngarep detulisi kaya kae?”

“Detulisi apa mangusde rika, pak?????!!” Resepsionose takon.

“Lhah, kae KANTOR CABANG PEMBANTU ???”

Resepsionse ndengkluk nyekel pulpen terus pulpene ditugel-tugel ngantek dadi glepung.

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional