BanyumasPost

Awas, Maling Kasur!!

  • Reporter:
  • Jemuah, 2 Juni 2017 | 10:15
  • / 7 Ramadhan 1438
  • Dibaca : 143 kali
Awas, Maling Kasur!!
ilustrasi maling

Hallo sedulur BanyumasPost kebeh? Kepriwe kabare?

Ora krasa yah, goli puasa wis butul 7 dina. Inyong makili kanca-kanca redaksi, ngucapena “Selamat Menjalankan Ibadah Puasa”, pokoke moga-moga lancar butul mengko riyaya utawane bada.

Neng edisi perdana rubrik “Guyonan Sosmed” kiye, inyong arep ngajek rika mesam-mesem. Dudu mesam-mesem sebab bar olih dhuwit secikrak, ningen mesem merga polahe Daplun.

Neng kene kiye, rika arep desuguhi guyonan-guyonan sing wis biyasa desebarena neng sosial media (bangsane Whatsapp, Blackberry Messenger) lan liya-liyane. Kur kuwe, bedane guyonan mau wis detranslet utawa derubah nganggo Basa Banyumasan.

Pengarepe inyong, bar derubah nganggo basane dhewek, rika lewih ngemat utawane mbleketaket goli maca. Sebab, mbuh dekayangapa, basane dhewek, mesthi tetep lewih gurih tur ngangeni.

Kaya ngapa contone? Kaya kiye geh…

 

 

Maling Kasur

Daplun lagi mandan kesuh. Nembe bae butul kantor, Dakem, bojone, dela-dela nilpun.

“Hallo, papah” suarane Dakem
“Iya, Mah…! Ana apa?” Daplun njawab
“Kiye kepriwe yoh, siki lagi ana geger…”
“Hah?? Geger kepriwe?!” Daplun panik
“Tanggane kemalingan kabeh. Ana sing kelangan gelang, kalung, tv, dhuwit, tekan kulkas be ilang..”
“Aduh!! Trus, dhewek kepriwe, ana sing ilang ora, Kem?” Daplun takon
“Mengko jajal tek golet, kiye nyong lagi panik bangett!!” ujare Dakem.

Limang menit bar kuwe, Dakem nilpun maning
“Hallo papah?!”
“Iya. Kem? Kepriwe, ana sing ilang ora?” Daplun takon
“Aduh, siyal pokoke. Siyal!!!” jare Dakem, swarane katon medeni
“Siyal kepriwe, apa sing ilang? Kalung, gelang apa kulkas?” takone Daplun
“Kasure ilang!!!!!” Dakem njawab
“Hah, kasur??? Maling lengob apa, gelem-geleme nggawani kasur!”
“Genah iya koh, kasure ilang. Kepriwe kiye?”
“Wis ora usah panik, jajal degolet sing bener. Mengko nilpun maning!” Omonge Daplun.

Limang menit bar kuwe, Dakem nilpun maning
“Hallo papah?!”
“Iya. Kem? Kepriwe, wis ketemu urung kasure?” Daplun takon
“Urung koh, mbuh neng endi kiye”
“Jan gumun aku. Kasur abot-abot koh gelem-geleme nggawani. Dasar maling kere!”
“Wis disit, papah. Arep tek golet maning!” Dakem banjur nutup tilpun

Telung menit bar kuwe, Dakem nilpun maning
“Hallo papah?!”
“Iya. Kem? Kepriwe, wis ketemu urung?” Daplun takon
“Hehehe, Alhamdulillah ketemu kiye” Dakem njawab karo gemuyu
“Lhah, kue deneng ketemu! Anu neng endi, deneng kasur semono gedhene ora katon?” Daplun takon
“Anu neng ngingsor seprei..” Jere Dakem
“Oh, ketutupan seprei si yoh dadi ora katon??”
….

 

(Daplun nutup telpon, bar kue nglethak hape)

Komentar

Jadilah orang pertama yang memberikan komentar!

Foto Terbaru

  • ©2017 BanyumasPost

Theme Wordpress Untuk Portal berita Professional